【名家投稿】另類球迷

作者:

上車樓

-

2018-11-06

-廣告-

推薦文章：【7月5日更新】每週銀行按揭利率和按揭回贈比較

唔知大家有冇睇波嘅習慣, 最大嗰幾個英超球會尤其是紅軍同埋紅魔鬼，除了支持者之外，另一類就係敵示形態的球迷, 簡單講佢哋唔鍾意嗰對球隊，嗰一對球隊做乜嘢都柴台，尤其係輸波嘅時候。

其實樓市都有好多另類球迷，無論發生什麼事都想盡能力去柴台，近來無論係報章上所謂嘅專家評論討論區等等的留言和主題，這些高手都喺度窮佢哋所有知識範疇去盡能力唱淡樓市，如果對於一個本身已經在市場嘅小小投資者來說，對這些評論只會一笑而矣，但如果係一心諗住自住真係有上車需要嘅朋友，本身都唔識樓市，好容易畀呢一啲評論嚇窒，茂茂然錯失喺調整市上車嘅機會。

為數最多的另類球迷~ 其實係花生友

睇到呢啲留言評論,初頭都會以為最想樓市跌嘅係等機會嘅投資者和用家, 但從評論質素去睇，最大機會佢哋只係花生友，樓市跌幾多根本唔係好關佢哋事，可能之前香港樓升得太勁，評論好留言好激親呢班花生友，到現在樓市調整，佢哋嘅心態就係盡情發洩盡情奚落，就算有心講原因講道理的留言也很快會沒頂，感覺猶如對牛彈琴。

租樓日日賺嘅心態

有留意樓市嘅人，就知道近乎沒有可能，除非做雙租業主，還原基本步，租樓租幾耐業主都唔會送畀你，仲要好神奇地第日租客想買返係唔會有任何特別折扣，亦都唔會有優先權。租樓唔同租部電視，好多年前租電視租到咁上下可以好平買咗佢，但係香港物業實在太珍貴，基本上沒有折舊計算可言，租金越升越高樓價越來越貴, 就算調整咗,已經比五年前貴咗好多, 乖乖地租樓只好將自己辛苦嘅人工升幅貢獻給業主。

向上流定向下流

想在香港這個地方居住，除非係父母有資產留低，否則就會去到人生交叉點，如果選擇向下流的話，可能窮十年時間去等待政府嘅公屋( 問題大把人舉手用呢一個方法)，另一個就係向上流，選擇比較好嘅時間，上車買樓再投資，透過資產增值致富。

上車樓

如對本文章有任何問題或意見，歡迎按右上角 Whatsapp 按鈕聯絡我們互相交流。