點解上車唔買Dream House？ 冇會所邊有可能接受？ “香港樓價咁貴買唔到會所屋苑咪租住先” “冇新樓我唔結婚㗎” 相信以上嘅字句大家都聽唔少，身邊唔少朋友結果都係租樓，唔係冇能力買，係接受唔到市區單幢，接受唔到冇會所，接受唔到唔叫朋友House Warming，更加接受唔到間屋唔可以上面書。結果過多幾年就會講一句，啲租金其實夠畀首期，由於每月嘅收入都幾大部分攞咗去交租，有啲醒咗嘅就接受現實幾平樓都買咗先，有啲仲係接受唔到嘅就乖乖地繼續交租，如是者樓價越跑越遠，上車遙遙無期，甚至諗住向下游爭逐公屋資源，事實又何苦呢？
所以上車第一件事除咗儲錢，其實自己都要有忍耐力，上唔到車有人會話世界太多引誘，或者憤怨社會，但有個好殘忍嘅現實講畀大家聽，呢十年唔係淨係得香港樓識升，泰國曼谷一線嘅中心地區講緊呎價已經去到六千幾至一萬港幣，亦都唔相信佢哋上車會易過香港人，金融海嘯開始不斷印銀紙到現在已經係一個龐大嘅升浪， 加上應對疫情嘅方法都係印銀紙，印得比之前瘋狂，如果唔提升執行力同埋忍耐力，上車買樓收租將會越來越困難。
實事求事先上車
唔少名人都講過，上車想買Dream House係不設實際，除非有個富爸爸，反而實事求是買一個負擔到嘅物業係更實際，自從林鄭 Plan之後，單幢同埋小型單位其實係落後於大市，個別屯門單棟實用2百多呎講緊都係三百萬港幣多，市區嘅單棟都係四百萬港幣起，方便返工方便交通肯定冇會所，更加唔會House Warming，接受到其實上車唔難，有心買樓唔會四五十萬港幣都冇，但係忍耐唔到係都要買靚屋苑嘅就冇辦法啦，相信大家見到身邊朋友結婚方程式都係超豪婚禮，好運的有富爸爸資助買樓，冇富爸爸嘅話繼續租樓，最緊要相夠靚食得夠好，直情係facebook人生，下一句就係業主至愛。
忍耐誘惑
一打開手機總會見到唔同科技產品好食好玩或者靚車嘅廣告，亦都可能喺工作嘅環境下見到同事擁有，有時難以抵受到人有我有嘅誘惑，筆者都試過，以前返工嘅世界下屬或者同事已經有車揸，曾經都有一刻諗過點樣都考車牌揸車，但係好清楚如果你唔係日日用，搭的士係遠遠平過揸車，最後也打消這個念頭，不是養不起，係寧願凈多啲錢多買物業，筆者也有些租客是有車階級，但係同時都係長情租客，忍耐到唔揸車，節省返嚟嘅錢絕對有助儲蓄首期同埋上車，上咗車都唔揸車，忍耐到的話就可以盡快儲到下一層樓嘅錢，無論買香港買海外都好，久而久之就會不斷產生到正現金流，五年為一個小結，大家就會看到忍耐力高的人自然會在資產道路上行得更遠，忍耐力唔高嘅就繼續老鼠賽跑，搵多搵少都好，發現淨落嚟嘅都係唔多，到搵錢能力下降嘅時候，就不得不考驗佢哋嘅忍耐力。
忍耐力唔等於消極
某程度上忍耐等於認命，好似睇落好消極嘅感覺，但相反，首先認知手上有什麼籌碼，為自己籌謀一條最合適嘅道路同埋最容易成功嘅方法，當然過程不斷會挑戰你嘅忍耐力，但當大家係呢條道路行耐咗，就會看到無論買樓上車，甚至係創業做生意嘅道路上，懂得忍耐才會懂得把握時機。
上車樓
延伸閱讀:
如對本文章有任何問題或意見，歡迎按右上角 Whatsapp 按鈕聯絡我們互相交流。
推薦文章：【每週更新】銀行按揭利率及按揭回贈比較
推薦文章：2.45% 按揭、轉按現金回贈，誰與爭鋒！
想知邊間銀行按息最平，回贈最高? 請留言向我們索取最新情報
陳凱琳同苟姑娘教你如何選擇按揭中介：
關於我們
免費按揭轉介，幫客人格價和尋找最低利息、最高回贈的銀行，以及為客人解決按揭上的奇難雜症。我們不收取任何費用，只想把所識和所想，向客人分享。公司的獎項和里程碑：
- 環聯（Transunion, 「TU」）正式合作伙伴
- 榮獲 TVB「樓宇按揭轉介服務獎」
- 榮獲Capital 資本雜誌 「2020傑出物業按揭轉介」大獎
- 榮獲香港中小型企業總商會「2019最佳中小企獎」
- 榮獲都市日報「2018傑出按揭轉介」大獎
- 出版「按揭達人」一書，在各書局有售
- 於多份報章撰寫按揭專欄，包括經濟日報、東方日報、經濟一週、南華早報、香港01、頭條日報、蘋果日報、都市日報、經濟通ETNET等
- TVB樓宇節目：「Ben Sir 睇樓團3」於2019年8月放送，平均收視率16點
- TVB樓宇節目：「星之谷特約：蝸居宅急變」於2018年4月放送，收視率19點
- NowTV 樓宇節目：「星之谷特約：置業攻略」於2018年6月放送
- Facebook 超過1900客戶留言，讚揚我們的服務，並給與5星評分
詳情請瀏覽星之谷按揭轉介網頁：https://starpagency.com
