【名家投稿】人生有B餐(做生意篇) (上車樓)

做生意
-廣告-

上一篇提及返工嘅情況下兼職創業,跟住講下,其實做生意嘅越嚟越多人留意如何行B計劃,香港嘅疫情政治經濟環球政治角力經濟變化,使到香港做生意嘅朋友好似坐緊海盜船;傳統同埋新興呢幾年嘅行業都不斷變化同埋洗牌,單是上年嘅運動同埋今年嘅嚴重疫情,已經唔少做生意嘅朋友寧願選擇舉手落船。

餐飲業的Plan B

本來大家都講緊人工智能同埋大數據,將會逆轉世界嘅營商環境,疫情事實係一支非常唔穩定嘅催化劑,之前大家估計盡管網上商店如何流行都好,出嚟聚餐食飯始終係取代唔到。現在疫情下唔同款式嘅限制令,唔少餐飲嘅東主都拗曬頭,形成了不少餐廳有些名氣之後轉向食物工場之路。其實小弟唔係全面睇好呢一個事情,一嚟出牌投資不菲,二來Eat at home真係唔知維持幾耐,如果風氣逆轉咗,可能唔少食物工程都會淘汰。如果本身係開餐廳,單純粹嘅生意轉型還可以考慮,因為人手配套都可以用現有資源,係一個唔錯嘅生意上的B餐,好似周星馳喺食神裏面嘅瀨尿牛丸一樣,改造保鮮包裝,事實能夠接觸更大嘅市場,但係條數一定要清晰,同埋要搵機會衝出香港。

單純做外賣其實都係一個B餐,但事實上外賣平台見到嘅價錢,比堂食及外賣自取為貴,疫情緩和之後,外賣叫嘢食嘅風氣可能會減低;現在某程度上,是餐廳一些無可奈何嘅選擇,當然純做外賣也有些做得很出色的,亦都唔需要投資乜嘢就可以加強外賣,如果在食物和定價方面比較出色吸引,可能會為餐廳殺出一條血路。

經營模式著重彈性

從前經營模式大多數也是高度專業性,以前營商環境比較穩定,一個行頭可能做幾十年,現在政治經濟科技嘅環境,已經加速了整個由盛到衰嘅過程,過份高度專業化轉型嘅選擇往往有所限制,建議一些專業行頭嘅生意,不斷準備一啲新嘅division,在生意ok嘅時候不斷探討相關生意嘅擴張性,一但主生意有什麼風吹草動,也可以透過原有資源轉型。

聘請員工也著重彈性

年長經驗豐富的必有其重要性及價值,但如果經驗同事過多又會缺乏彈性和創新嘅動力,人工成本也會很高同埋削弱競爭力。相信不少朋友都見過一啲公司將軍多過手下,或者全部也是老臣子動不得;係呢個階段,公司東主也要作出平衡,最好能夠定期聘請一些年青的員工,雖然流失率會比較高,但係能夠為公司團隊增加動力同埋創新概念。

始終做生意嘅B餐,需要創意加上原有成功的經驗去配置,如果並非是百分百的創新行業,點樣去磨合人才係非常重要,盡量使用同一批客群再去擴大客群,也是生意有B餐嘅精髓。如果生意嘅B餐和A餐全無關係,投入嘅資源需要更多,同埋有更加多嘅不確定性,處理得不好甚至會B餐影響日常A餐。

做生意就好似一艘船,老細係船長,船員一家大細都靠曬你,老細過份保守或者過份進取,無風無浪嘅經濟環境下沒有多大問題,但係在疫情經濟政治科技嘅連環衝擊之下,公司都係要保持彈性彈性,必要時無可挽救情況下唯有壯士斷臂,或者縮細規模留待東山再起。

上車樓

延伸閱讀:

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com