隨著虛擬貨幣股票美股等等繼續瘋狂升升跌跌最後跌多過升, 不少朋友損手中伏, 連登契媽Cathie Wood 地位不保淪為咒罵對象, 現在股票市場通高浪急我而家開始掛住價值投資法。
價值投資法源於股神巴菲特, 巴郡的投資無論在什麼時間每年都有差不多兩位數字%的增長, 在2020年到現在的美股和港股, 這個數字可能未能滿足投資者, 大家紛紛向新科技醫藥股或者未來故事股票投資; 升市嘅時候大家賺得盆滿缽滿, 基本上不會記得價值投資法。
在小弟之前的文章也有提及現在的股票市場賣的是故事, 有實體利潤的股票相反地壓下去, 甚至是負面評價, 趁著現在市場大幅回調大家也可以冷靜下來, 審視自己嘅投資是否過於進取再作調節。
重新留意舊經濟
新科技股票冇咗方向大幅回調, 大家開始諗番一啲傳統嘅舊經濟股票, 包括地產公用事業房地產基金等等, 例如價值投資者最愛嘅領展(823), 盈富基金(2800), 中電煤氣恆基等等。隨著疫情開始舒緩, 資金開始慢慢落地, 穩陣收息的股票作為穩定現金流嘅來源是不錯嘅選擇, 防守性也相當不錯。
可以留意海外磚頭
香港住宅樓價繼續上升, 租金回報已經冇肉食, 加上遲遲都未減辣, 冇誘因換樓, 有冇特別原因需要現在負擔高昂稅金去增持; 反而可以留意一下其他海外嘅物業, 隨著疫情改變了營商和工作環境, 在家工作說實不需要住在城市的最中心, 甚至是在其他國家地區也可以繼續工作。
當然也可以用較低的勞工成本在其他地方請人, 高昂的市中心租金和樓價逐漸會有壓力; 趁著這個時候可以投資其他地方嘅物業, 例如英國日本大灣區等等, 爭取較高的租金回報, 同時作為環球資產配置。筆者便是以這個方法增加現金流達到現在半財務自由; 現實講, 再購買香港物業收租, 就算考慮供款的本金部分, ROI也未必非常吸引, 但係香港物業可以形容為地球上係最好嘅抵押品, 兩三個香港單位可以說是必須的。
重新調整重新出發, 希望大家能夠把握疫情受控制復甦嘅機遇。
上車樓
如對本文章有任何問題或意見,歡迎按右上角 Whatsapp 按鈕聯絡我們互相交流。