相信每一日大家都聽到唔同元宇宙嘅評論，或者哪一隻元宇宙相關嘅虛擬貨幣升到飛天，例如千幾萬虛擬地皮成交嘅Mana，Gala等等，甚至是香港地產商投下虛擬地皮用作商場，現階段只可說坐順風車小玩無妨，疫情下大家不難發現每一段時間就有不同虛擬或者股票市場的消息炒作，相信大家都記得唔同嘅狗狗虛擬貨幣，教主 (Elon Musk) 的股票表現強硬但係契媽 (Cathie Wood) 的投資建議可能大家也中伏了不少，契媽的基金對比上年下跌46%，只好說呢一個時代過份沉迷玩大咗就係一件好危險嘅事，元宇宙未成熟但係你個荷包已經一鑊熟。
切勿忘記物理需要(食買玩住屙)
無論元宇宙講到有幾大，切勿忘記科技幾強大也敵不過物理生理需要，食買玩住屙始終都係離不開，除非將來科技大力改變或者人們生理結構進化唔同咗，大家好似卡通片WallE 裡面的人類，全日都坐喺張科幻輪椅，所有社交食住玩屙都係嗰張輪椅，瓜咗就直入棺木離開飛船送出太空，科技技術生活習慣層面二三十年內都難以出現，大力吹噓元宇宙虛擬世界可取代人類現在的生活，某程度上因為疫情其實環球還在封關狀態，相信在疫情舒緩後運作開始恢復，這一個幻想與憧憬係咪仲係咁大值得深思，但總不可能突破物理需要。
現在只是元宇宙的開始
現在的元宇宙還是在遊戲應用現實世界的階段，透過遊戲投資虛擬貨幣或者在Sand購買地皮做生意其實都係一個好初步的階段，虛擬概念和元宇宙的概念需要長時間和最大資金不斷開發，現在好多相關概念嘅投資，但能夠最後跑出嘅相信只會係極少數，哪怕最多的是藉著這個概念賺錢的，賺夠錢金蟬脫殼，換湯不換藥再用其他相類似概念瘋狂賺錢，情況有點像2000年初的科網股泡沫，能夠不單靠資金憑經營技術開發等等層面繼續留下來的可能是十中無一，能夠實現概念落地發展再飛黃騰達的機率極其低，想投資的朋友必須認清現在是非常起始的階段，就算投資都要理解背後理念同埋有冇實力執行。
太容易搭棚
NFT一個可變幻的猿人頭可以賣上2 eth以上，寫文嘅時候一個以太幣大約相等於3300美金，在虛擬世界擁有變幻嘅猿人頭，雖然有啲似現實世界擁有稀有嘅紙幣郵票等等，但這一類的發行沒完沒了，加上周董及其他名人效應，現實要搭棚冇難度，大家在一輪虛擬貨幣熱血後開始更深入元宇宙，尋找一些倍化投資嘅機會，其實大家都知道玩緊音樂椅遊戲，就算大家想玩都好只適宜少少地試下。
反璞歸真
近來大家相信虛擬忽視地產，未來疫情舒緩後經濟會重投實際化，雖然疫情下工作習慣生活習慣也有所改變，某些傳統行業在疫情舒緩後也會受到不同程度影響，但始終現實歸現實，而虛擬世界及元宇宙的發展，慢慢會變成汰弱留強真係可以自身營運到的才可以留下來，加上政府還未真正規管甚至不同國家的打壓，做貨幣造虛擬世界者即是做王者，現在發展繼續飛天不諱言某些國家其實是首肯和認同虛擬貨幣，但係並不代表全部，呢幾年內都會面對不同政策的風險，亦都不適宜而過份投入元宇宙，雖然大家也想在泡沫賺錢，但只適宜小注嘗試。
都係嗰句：大額投資都係買返樓可保命。
上車樓
如對本文章有任何問題或意見，歡迎按右上角 Whatsapp 按鈕聯絡我們互相交流。
推薦文章：【每週更新】銀行按揭利率及按揭回贈比較
推薦文章：2.45% 按揭、轉按現金回贈，誰與爭鋒！
想知邊間銀行按息最平，回贈最高? 請留言向我們索取最新情報
苟姑娘教你如何選擇按揭中介：
關於我們
免費按揭轉介，幫客人格價和尋找最低利息、最高回贈的銀行，以及為客人解決按揭上的奇難雜症。我們不收取任何費用，只想把所識和所想，向客人分享。公司的獎項和里程碑：- 環聯（Transunion, 「TU」）正式合作伙伴
- 榮獲 TVB「樓宇按揭轉介服務獎」
- 榮獲Capital 資本雜誌 「2020傑出物業按揭轉介」大獎
- 榮獲香港中小型企業總商會「2019最佳中小企獎」
- 榮獲都市日報「2018傑出按揭轉介」大獎
- 出版「按揭達人」一書，在各書局有售
- 於多份報章撰寫按揭專欄，包括經濟日報、東方日報、經濟一週、南華早報、香港01、頭條日報、蘋果日報、都市日報、經濟通ETNET等
- TVB樓宇節目：「Ben Sir 睇樓團3」於2019年8月放送，平均收視率16點
- TVB樓宇節目：「星之谷特約：蝸居宅急變」於2018年4月放送，收視率19點
- NowTV 樓宇節目：「星之谷特約：置業攻略」於2018年6月放送
- Facebook 超過1500客戶留言，讚揚我們的服務，並給與5星評分
