【名家投稿】內循環與內出血 (上車樓)

close virus
-廣告-

筆者寫呢篇文嘅時間,正正係C字頭連鎖品牌精緻餅店突然結業,原因坊間眾說紛紜,而大眾最關心嘅係餅卡如何處理,不少苦主聯盟已經出現,希望事件能夠順利解決,最理想當然是有投資者打救。創辦人也透過一些訪問說明結業原因,疫情係No.1 answer,值得關心嘅係現在香港嘅防疫政策,正在和國際脫軌。而較早前嘅紓困政策卻變成另一個泡沫,相信類似這個品牌所出現嘅困境將會瀰漫在市面,其實較早前已經有零星嘅新聞報道,提到喺租金暫緩政策屆滿後,不少品牌被入稟一次過追租。

全國政協常委唐英年先生早前表示單靠內循環會加速內出血,唐先生是家族品牌生意人,也是前財政司司長,當然會明白香港嘅經濟規模不可能靠內循環,現在香港正處於人口減少但新香港人不足填補,致情況雪上加霜,加上防疫政策未能和國際接軌,和國內的也有所差異,令香港處於一個更加尷尬嘅位置。預期短期內國內嘅防疫政策和全世界主流嘅防疫政策相反,香港必定要作出取捨,始終香港在國家嘅地位是國際金融中心、國內企業上市嘅主流交易所,香港和國際接軌可能比和內地通關更為實際和重要。

新加坡可以說是香港最大競爭對手,現在也受惠於香港嘅防疫政策和國際脫軌,新加坡大部分地方已不用戴口罩。雖然香港嘅3+4隔離政策係比從前放寬了,但較早前抵港人士首7日不能夠參加展覽會,對展覽業幫助有限,更有一些展覽會主辦機構揚言不會再選擇香港,相信香港嘅展覽地位未來會日漸下降,除非出現政策改變和更多嘅有利措施,重新吸引參展商和主辦機構,否則香港嘅展覽會只是港人嘅消費場所,對增加外來收入並沒有幫助,塘水滾塘魚。

內出血

較早前業主有半年不能追租,已經導致市場混亂,到禁追租期屆滿後,現在可以說是變成Call Loan,就好像突然結業嘅品牌餅店,因為欠租一次過被收回三間商場舖造成骨牌效應,而不少商場舖或者核心地舖6個月租金是以百萬計算。另外,消費券效果比預期弱,而保就業已經過了,加上疫情並不明朗,以及和國際脫軌嘅防疫政策,又未能夠配合國內防疫方針,變成兩頭唔到岸,相信做生意嘅朋友都諗緊要唔要壯士斷臂,筆者也聽見市場消息:大品牌也在捱打燒錢中,大公司頂唔順都要頂,一旦撐不住,幾十年品牌就付諸流水。

筆者也和不少返工嘅朋友傾談,他們暫時未知道實際情況是如此,還以為是歌舞昇平嘅景象,抱怨僱主不夠好、人工不夠多,但可能大家嘅老闆也在出血中,希望雙方能夠互諒互讓共渡難關,趁工作穩定轉按賺取回贈節省利息,可以嘅話加按提取一些現金傍身,一旦面對工作不穩定也有應急資金。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com