【名家投稿】再移民潮 (上車樓)

作者:

2021-09-20

-廣告-

推薦文章：【7月5日更新】每週銀行按揭利率和按揭回贈比較

相信大家近日也出席了不少的farewell飯，還有更多在Facebook才見到已經抵達了的消息，隨著再移民潮，或者大家考慮緊係咪短時間內移民其實都要諗一諗，現在諗嘅唔係去到識唔識應係有冇後備方案，當然第一步要做足準備，如果唔係去到生活費不足或者適應唔到好快就GG啦。

今年嘅再移民潮比上年成熟，上年筆者也遇到不少瞎子摸象嘅故事，今次再移民潮準備是比較充足，因為已經有不少身先士卒嘅故事在網上分享甚至做埋Youtuber，生活方面唔成問題，但係對於財務考慮方面，就算現在想過去的也不少是考慮不足，例如租樓方面所用嘅租金開支已經不少，但是好有可能未必短時間內找到工作，如果過去準備嘅錢唔多好快就感受到生活壓力，以英國為例購買食物開支等等唔算好高，只要有工作而開工足夠的不太大問題，但是近日聽回來開工不足或者相同工種過渡英國人工大幅度下降係剛剛過去的移居朋友遇到的大問題，過去之前其實大家都要先做一做功課。

唔好破釜沉舟

身邊多數朋友移民移居外國之前選擇的方法是破釜沉舟，一係睇淡香港物業，另一方面移民移居所動用嘅錢唔係佢哋平時儲蓄所應付到，當然有良好嘅規劃例如喺英國買幾間平嘅屋去收租其實好有可能已經生活無憂，但係眼見比較多的例子是將物業賣掉後過去多的錢已經用在租比較好的位置和其他生活開支，更甚者是沒有預算將來一旦當地難搵食生活習慣不到難以返香港重新再來，如果資金許可都係建議加按本身香港物業購買英國物業後過去，就算唔啱住英國某一個地方都可以租養租，如果真係決定回流香港也有物業不用擔心有所退路。

唔好盲目信Youtuber

筆者接觸了不少朋友和客人他們的移民移居訊息差唔多九成是來自已經移民的Youtuber，但係好想講一句，暫時網上冇乜移民移居咗過去嘅Youtuber係會叫大家唔好過去或者真真正正諗清楚，移民英國加拿大等地Youtuber是龐大的商機，尤其有些是有代言背景，簡單講冇乜理由叫大家千祈唔好過去，但係過去嘅始終係自己和家人，唔係每一個家庭都適合移民移居他方，睇呢一個Youtuber都係抱住當聽下information就算，如果用信徒心態去聽可能過咗去你會好失望，而現在看到嘅景象係移民潮會繼續最快都去到下年，也會有回流的情況可能多一兩年後開始發生，所以強烈建議大家真係諗清楚，尤其要賣咗香港唯一物業才有足夠資金過去的朋友。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。