信用卡

出工銀亞洲「ICBC宇宙星座卡」，享不設上限1.5%現金回贈

作者:

2018-03-05

-廣告-

推薦文章：【7月5日更新】每週銀行按揭利率和按揭回贈比較

出工銀亞洲「ICBC宇宙星座卡」，享不設上限1.5%現金回贈

如果大家呢排有行過中環站，大家都可能會見到ICBC賣緊一大片廣告，目測橫跨幾十米。廣告嘅主角係「ICBC宇宙星座卡」，究竟係乜冬冬，又係唔係宇宙最強先?

原來，「ICBC宇宙星座卡」係ICBC全新推出嘅現金回贈信用卡系列，分為「ICBC宇宙星座 Visa Signature卡」同「ICBC宇宙星座銀聯雙幣卡」兩類，而「ICBC宇宙星座銀聯卡」再細分「雙幣白金卡」同「雙幣鑽石卡」兩張。呢兩類三張卡都享有全年無上限現金回贈。基本上消費越多，回贈越多。

不過，要注意的是現金回贈比率的分別。Visa Signature卡及銀聯雙幣鑽石卡於本地及海外簽賬消費，可享1.5%現金回贈；但係銀聯雙幣白金卡於本地簽賬消費只可享1%現金回贈，於海外簽賬消費先可享1.5%現金回贈。

「ICBC宇宙星座卡」的其他優惠主要包括，於任何單一零售簽賬滿HK$800，即可用簽賬存根於指定MCL戲院睇2D電影時，享正價戲票買1送1優惠。此外，中國移動香港亦會送「任我睇」視頻數據卡6個月服務。

迎新禮遇方面，全新ICBC客戶，同時成功申請ICBC宇宙星座「Visa Signature卡」及「銀聯雙幣卡」，可以選擇收24吋時尚行李喼或
HK$300信用卡免找數簽賬額。兩者都要響發卡後2個月內於每張卡簽賬或現金透支滿HK$/ RMB1,500，先可享呢個迎新優惠。而如果經網上同時成功申請ICBC宇宙星座「Visa Signature卡」及「銀聯雙幣鑽石卡」，全新客戶可額外獲得2張MCL戲院電影戲票。

總體而言，「ICBC宇宙星座卡」響現金回贈的信用卡類別當中，無論現現金回贈比率或者迎新禮遇方面都係不過不失，唔能夠做得到宇宙最強。若問我到底出定唔出好，我只係會回答金管要嗰句提示：「借定唔借？還得到先好借！」

連結：https://goo.gl/Q1T1EA

如對本文章有任何問題或意見，歡迎按右上角 Whatsapp 按鈕聯絡我們互相交流。