信用卡

到底「銀聯手機閃付」點鬼用?

作者:

Skywalker

2018-01-23

-廣告-

推薦文章：【7月5日更新】每週銀行按揭利率和按揭回贈比較

最後更新：09/06/21 @ 5:39 下午

到底「銀聯手機閃付」點鬼用?

有朋友問我，銀聯手機閃付點搞，同大陸用嘅「云閃付」有乜關係。我話，唔係嘛，咁都唔識? 咁等我簡單講解吓啦。

首先搞清楚一個概念先。銀聯卡的推廣好多時都規定卡號要係「62」開頭。點解嘅？其實香港出嘅銀聯卡其實係中國銀聯，旗下國際業務嘅子公司銀聯國際負責的。而「62」開頭的銀聯卡是符合國際標準的銀聯標準卡，可以在國外使用。而香港出嘅銀聯卡都係「62」開頭的。

銀聯響國內搞咗一整套互聯網付款平台，叫做「银联云闪付」。當中包括咗「銀聯芯片卡」、「銀聯手機閃付」及「銀聯二維碼」等支付服務。當中銀聯二維碼支付響17年5月底於內地推出，由同年6月份開始香港亦有幾家商戶作為受理試點，但當時只供內地旅客到港使用。可喜的是，由2018年9月10日起，香港、澳門用本地手機號下載、註冊雲閃付APP後，可綁定和管理本地各類銀聯卡帳戶，在本地或跨境使用二維碼支付、In App支付等各類流動支付功能。

首階段，中國銀行（香港）、交通銀行（香港）、僑達國際、中國銀行澳門分行、澳門大西洋銀行、廣發銀行澳門分行等6家機構將陸續支持所發行之銀聯卡綁定雲閃付APP。預計2018年內，綁卡服務將進一步覆蓋港澳地區大部份銀行發行的銀聯信用卡。銀聯有一個銀聯雲閃付(QuickPass)香港受理商戶表，包括各個不同行業，如下: (http://www.unionpayintl.com/imp_file/global/cn/pdf/pdf2.pdf)

「銀聯芯片卡」亦即係各大銀行推出的銀聯晶片卡/銀聯IC卡，可以響有銀聯閃付(QuickPass)非接終端的感應終端機進行拍卡支付操作。

至於「銀聯手機閃付」，其實係透過各手機品牌嘅非接觸式NFC支付平台，例如Apple Pay、Samsung Pay、Huawei Pay、Mi Pay、Meizu Pay等等去運作。即係話你響Apple Pay或Samsung Pay加銀聯卡入去，用手機嘟卡就等於用咗「銀聯手機閃付」。

不過要注意一點，就係香港唔係間間銀行嘅銀聯卡都支援「銀聯手機閃付」。所以你要同你所屬銀行查證。響呢篇文更新當日，在香港，中國銀行（香港）的銀聯卡客戶（提款卡及信用卡）、匯豐銀行的銀聯卡客戶（信用卡）、恆生銀行的銀聯卡客戶（信用卡），以及東亞銀行銀聯卡客戶（信用卡）已可以使用Apple Pay。至於點加，參考呢一條: (http://www.unionpayintl.com/cardholderServ/serviceCenter/merchant/ff808081638c94090163b0568fa30428?type=1)

至於各大銀行或商號最新推出啲咩銀聯卡的優惠，可以到銀聯國際的以下網頁: (http://www.unionpayintl.com/cardholderServ/serviceCenter/merchant?language=hk)睇睇。