【名家投稿】十大中伏的原因

【名家投稿】十大中伏的原因
-廣告-

前排同朋友吹開水, 講近排唔同形式嘅騙案, 真係咩款式嘅投資都可以變成會騙案, 朋友說騙徒可恨, 筆者覺得被騙者可悲又可恨, 因為被騙果批大部分都唔係老人家或者低學識收入人士, 就算要中招受騙嘅門檻都相當唔低, 唔通受騙都係身份嘅象徵?又要投資搵錢,又要避開陷阱做花生友,所以只好說花生最可貴, 否則呢篇文都變咗做苦主血淚史。

筆者自己的小生意, 也會接觸到唔同客人同時也會聽到唔同嘅投資產物, 當然經歷數年都聽到 不少客人中伏的故事, 今次同大家講下十大中伏的原因。

大家比較忙,可能未必知道近排有啲乜嘢新款式嘅騙案 , 同大家溫故知新一下,呢排騙案已經唔只係以前嘅乜嘢傳銷倫敦金, 由大家可愛可恨嘅港珠澳大橋衍生嘅港珠澳車牌, 神級公司債券, 掘礦虛擬貨幣甚至係走數型裝修公司等等等等, 筆者相信還有好多未上水面的騙案, 喺呢輪動盪市會繼續浮現, 其實原因都好簡單, 騙徒其實都係賭徒, 讓大家投資佢哋嘅錢係攞咗去賭,輸錢就自然走路。

十大中伏的原因:

  1. 相信上過電視嘅就係好人~ 只要做過某某節目嘉賓, 甚至係客席主持,也會合埋眼崇拜,講乜野都變咗做聖經。
  2. 投資變左做宗教~ 近排好多人講財務自由, 甚至係開講座變咗做朝拜大會, 班唔知自己財自咗未嘅高人努力幫信眾洗腦, 要是壞心眼的教主,信徒可以乖乖被宰割。
  3. 相信自己骨格精奇 ~ 大家有睇周星馳套功夫都仲會記得, 有人賣本武林秘笈畀你, 見你骨格精奇, 其實投資都係一樣, 可能出席過講座一次兩次就有人邀請你參加一啲出面投資者涉及唔到嘅投資項目, 當然會是回報超級高 , 唔好彩嘅就好似之前嗰單債券騙案, 損手收場。
  4. 盲目相信背景 ~ 呢個係香港人嘅通病, 簡單投資唔係睇個投資項目, 純粹係睇嗰個搞手嘅背景, 筆者都聽到好多某某集團高層出來自立門戶自製基金, 順風順水嘅時候睇唔到有咩問題, 要是個搞手突然間水緊, 好大機會又是另一單騙案。
  5. 超級自我中心 ~ 筆者都曾經試過勸人唔好中招, 當然得到嘅係冷言冷語, 你是誰? 我食鹽多過你食米, 點解要聽你講?( 嗰個moment我好想講小心你個腎) 人哋上過電視,點解要信你? 所以我都唔會多管閑事, 事實有些年長頑固嘅人士, 投資係唔會聽人意見, 其實嗰啲中招率比我哋一般人高好多。
  6. 羊生羊太效應~ 唔少投資者純粹跟風購買, 跟他們相信的人去投資, 但係佢哋信得過嘅人可能係純粹比較有名氣或者係佢工作上嘅上司 或者前輩等等, 相信他們並不是他們為人或者作風 怎樣怎樣好, 只是人買佢買,人輸自然佢都輸。
  7. 認叻吹水唔抹嘴
    同類人吸引同類人, 騙徒嘅特性都係吹水唔抹嘴, 如果有做過銷售嘅都會知道,客講得越多嘢,做銷售嘅就會有越多材料慢慢深入, 吹水吹得太勁可能連自己都呃埋, 比較容易相信一啲不合理嘅投資項目。
  8. 上個網都懶
    其實上網搜尋一下大部分騙案都有跡可尋, 就好似倫敦金由細細個已經聽過嘅騙案,到而家都繼續玩緊。
  9. 重階級觀念
    一個入世未深嘅小朋友,都知好大機會係騙案, 奈河唔少人因為階級觀念只會信同輩或以上嘅人講嘅嘢, 道理唔聽歪理盡信。
  10. 高學歷低智能
    唔少中招者都係高學歷人士, 以前嘅種金祈福黨已經out咗, 大部分騙案都係舊酒新瓶, 只是行騙者用非常吸引嘅背景去做嘢, 還可能諮詢了法律意見有高手在後面, 東窗事發小投資者也無可奈何。
  11. 通常幾樣嘢夾埋一齊先會中招,下次講一講唔中伏嘅方法。

上車樓

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com