筆者喺呢兩三年都參加了不同的商會活動,雖然唔係投入度高,但都可以分享一下,尤其現在越來越多斜槓族,大家都想透過不同聚會去增加接Job機會或者一些公司想增加客源,當然結果評論意見各有不同,有些做得很好,生意其門如市,不斷upgrade越做越好,有些一段時間後退場,原因除咗係參加者會唔會係非常懂得社交應酬之外,還有唔少因素係需要加入之前先考量。
生意容唔容易來往
簡單講入到去有來有往,相關產品及服務容唔容易互相介紹客人,一般商會最有利的行業是交易銀碼低,需要性普及和必須,例如之前餐飲業暢旺,相關的餐廳店舖租務、市場推廣及裝修出牌等等,甚至食品供應商會比較受歡迎和容易來往及交換,個人服務健康相關的也是比較容易來往的。如果一些行業銀碼比較大難去互相介紹來往的,則未必很適合商會,另外一些行業是交易銀碼比較細但來往很快的End User生意也未必很適合,尤其是一些區域性的。
投入時間和回報比較
相信很多從商的朋友也參加過早餐會,對某些行業是極度有用的,但係如果大家的生意是之前提及的這兩類,需要非常深入才有唔錯嘅回報,或者銳意擴張擴闊生意領域也是效果不錯,但是如果似筆者的Just to say hi模式作用則不大,都需要有心理準備未必有實質回報,但係如果已準備好純粹用作宣傳update自己對市場嘅認識以及接觸新嘅商機還是可以的,但係如果投入時間太多始終會影響正業,必須計算投入時間和回報。
倒不如做好自己
眼見有些商會朋友非常踴躍參加,甚至參加多個商會,某一些業務是非常適合的,但係如果不太適合的業務倒不如做好本業,商會可以參加但Over咗除了影響本業外,甚至會影響個人生活,始終每人一天只有24小時,工作的時間和集中力也會因應年紀增加而減少,不如做好自己,珍惜眼前人,更為上策。
上車樓
如對本文章有任何問題或意見,歡迎按右上角 Whatsapp 按鈕聯絡我們互相交流。