向759致敬

向759致敬
-廣告-

759和阿信的故事, 相信沒有幾多香港人是不認識的, 最基本最基本也會在阿信屋五六日特價時段,買了不少零食回家,林主席嘅創業精神和堅毅不屈說實令人敬佩, 希望後繼者能夠繼續。

睇到林主席過身的新聞,第一個感覺其實除咗 惋惜之外,就係覺得要及時行樂, 任何工作任何生意也應該要有放低嘅一日, 以前細個冇錢好窮嘅時候就好想搵多啲錢, 到現在有很少很少的錢, 也會擔心沒有機會享用便離開這個世界, 會諗多咗喺工作上不如放低少少輕鬆少少, 生意和工作過勞倒不如做一個小小投資者繼續尋找不同機會, 磚頭投資其實已經係最唔使每日都睇住嘅投資項目, 繼續磚頭 磚頭磚頭 希望做到work life Balance.

故事歸故事現實歸現實

另一個比較強嘅感覺就係阿信屋之前嘅成功, 去到過度擴張不斷減少分店, 反映咗喺香港做生意嘅一個事實, 就係故事歸故事現實歸現實, 就算喜歡阿信屋嘅故事都好 ,只要其他競爭對手同一蚊幾毛也會過去隔離, 彷如一些老店結束營業大家瘋狂去影相呃like, 要是大家穩定去幫襯這些老店就不會輕易結業。

地產優先

香港做生意高昂嘅舖租從來都係催命符,需要用大量空間所做的生意, 好多時繼續營業與否係地產主導, 如果單純做大眾客戶嘅生意, margin 不高的更容易會因為加租而結業或者收縮, 加上香港人嘅消費和生活習慣都變得好快, 真係一句我有武功也怕加租, 所以現在好多做得比較好嘅企業其實係做緊兩手三手甚至四手生意, 做零售的真實生意可能係投資工商舖, 做大眾服務的真實生意其實係大數據收集商, 當然最好的生意也要和地產掛鉤, 無論全世界任何地方也是。

無論如何,阿信屋的故事, 林主席的奮鬥, 成為近年罕見獅子山下精神的表表者, 願他一路好走。

上車樓

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com