【名家投稿】國泰大裁員後的啟示 (上車樓)

-廣告-

呢幾日無論新聞社交媒體都係不斷loop住,國泰嘅世紀大裁員同埋有35年歷史嘅國泰港龍嘅停辦,雖然大家都有心理準備會見到一個史無前例嘅大裁員,但現實見到嘅時候,始終都會覺得好可惜。

疫情未完全受控冇辦法,相信如果大家上年同朋友講今年全年唔使飛,幾可肯定畀人話痴線,但係現實如此。喺呢兩年無論經濟政治疫情,嗰種變化程度真係有水晶球都未必估到,但係點樣真正逆境自強,才係國泰航空世紀大裁員的啟示。

被動返工時代的過去

這一個和收租被動收入無關,純粹係講工作層面,經歷了長時間經濟增長盛世,尤其係一啲發展得好好嘅地方例如香港,好難會失業好難會冇工返,亦都唔需要考慮咁多,隨時交個殼返工都有不太差嘅收入,但係疫情加速了經濟結構轉型。無論傳統商店和網上商店,甚至是消費購買享樂文化嘅改變,速成個市場變得好快。個別公司未能適應已經投咗降壯士斷臂,繼續生存的都係盡量慳得就慳,大型辦公室需求劇減,部分非必要工種或者用唔曬一個人嘅manpower,可能會請兼職亦都可能會外判,工作斬件化變成了新常態。大家從前可能交個殼返去一份full time都有唔錯嘅收入時代快將終結,必須主動present工作貢獻和價值才可能站得住腳。

利用自身優勢開發多行業

以航空公司嘅情況,相信航空業復甦都需要去到2024年,但係空中服務員,大家一般去諗嘅價值可能唔係太高,但係佢哋可能係應對客戶投訴或者我哋簡稱西客嘅高手。最近嘅諗法就係重視客戶服務相關的行業雖然現在空缺未必會太多,也可以用兼職形式去嘗試,當然只是唔少空中服務嘅朋友都有從事網店代購,現在倒不如打正旗號做一間代購網店,反正封關時間都唔會咁快完,環球代購業務仲有空間。如果加上習慣性拍片,不斷網上推廣累積粉絲,甚至打進其他市場成為網紅,所帶來的收入可能比空中服務員更高;也可以同時接job,甚至兼職形式從事一些個人理財投資金融服務行業。

積極面對總有出路

疫情經濟轉型的恐怖係可以成個行業去炒,返工也不一定比老細安全,不如趁而家為自己創造一個喜歡嘅事業,可能效果喜出望外,就算未能成功,待疫情過後也可以從投空中服務行業,趁年青有氣有力點樣都係試一試。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com