【名家投稿】無論買樓定做其他事,執行力決定一切 (上車樓)

買樓上車
-廣告-

較早前看到一位KOL的面書,意思大約唔少人認為自己都係諸葛亮,講多過做,但係好似關公咁嘅執行力就冇乜,其實大家身邊都有唔少諸葛亮,總是有好多建議,但係要佢哋去執行就發現好多時得個講字。

網路文化理念相近

簡單講,大家在都係接觸同一個媒體網絡平台所聽嘅嘢,大家諗嘅嘢可能係差唔多,大家嘅橋亦都可能係差唔多,分別就係有冇實行,有冇經驗去實行同埋實唔實行到,而香港人一向都有指人做嘢嘅習慣,結果大部分人都當咗自己係諸葛亮,淨係諗或者叫人去做但係偏偏自己就未必肯旭。

有能力更需要有助力

既然大家諗嘅嘢,分別未必係好大,結果成功與否就取決於嗰個人有冇執行力,執行力除咗包括自己嘅知識能力毅力相關之外,同時都需要大家嘅人脈關係背景能唔能夠輔助,好現實講双拳難敵四手,除咗自己有相關能力之外,能唔能夠借力去執行都變得非常重要,最現實嘅故事係,執行者未必有天大嘅能力,但佢有天大嘅助力,結果一定比只有天大嘅能力者好。

個個當自己係諸葛亮

而當然最差勁嘅就係以為自己係諸葛亮,但係齋講唔做,冇能力冇助力,結果好多嘢都係空想,就算買樓上車都係,相信還有不少朋友上車還是望天打卦型,最好天降財富天降首期,平時只會說著香港樓價有幾貴有幾離地,由於網路文化相同,網上有不少附和者,但現實又有幾多真係付諸行動努力儲錢準備上車?未能夠追趕樓價或者睇錯市嘅朋友,只好望天打卦當自己係諸葛亮日日祈禱借東風吹倒樓市,結果真係得個吹字。

市場最需要嘅係關公張飛趙雲

無論係做生意好上車都好,夠膽付諸行動,紀律性儲蓄,紀律性行動,只要夠堅持點都會上到車,而高執行力嘅人亦都唔代表佢哋冇智慧,佢哋相反更加清楚齋諗唔做,或者諗咗一啲不切實際嘅概念,就好似大家見到唔少初創公司沒落因為佢哋嘅產品同概念根本唔能夠同市場接軌。諗不如行動,勤力虛心學習,堅毅執行理念,同時不斷鑽研提高自己嘅執行力, 一段時間之後總會看到與別不同的成果。前所未有嘅疫情,又會係財富大轉移嘅時候,有執行力就有機會。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【8月4日更新】每週銀行按揭利率和按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 


轉按新買準備買


苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com