【名家投稿】大奇蹟日 (上車樓)

作者:

2022-09-30

-廣告-

推薦文章：【7月5日更新】每週銀行按揭利率和按揭回贈比較

筆者所講嘅大奇蹟日，不是大時代嘅股票救市，而喺剛剛過去這星期政府宣佈0+3 嘅防疫政策，香港人終於可以外遊鬆一鬆，加上日本將喺10月11日開放自由行，即時變成全民搶機票。除咗關心去旅行之外，筆者更關心同日宣佈壓力測試下調1%，雖然未去到拯救樓市嘅良方，但係畀到市場一個強大嘅訊息，就係新一屆政府不佛系，係有留意市場變化，而0+3和放寬壓力測試同日出台，加上「鄉下」日本可以自由行，可以說是香港人嘅大奇蹟日。

止血膠布

降低壓力測試，可以說是符合設立壓力測試嘅初衷，但力度還是不夠。因為今次除咗加息之外，更大嘅原因是移民潮、疫情及環球局勢。從這幾天嘅樓市成交消息可見，降壓測措施係止血膠布，買家減少、不合時宜嘅海外買家稅及雙倍印花稅始終影響投資者或首次置業人士嘅購買意欲。大奇蹟日後相信政府係有確切留意市況，但如果要穩定樓市，必須要對症下藥。目前有多項工作可以同時進行，包括吸引海外人才到香港，筆者相信香港嘅稅制對不少地方嘅朋友也有吸引力，必須重啟投資或專才移民之路，吸納新勞動力，為社會注入新血；樓市亦需要尋找新嘅買家承接，務求保持穩定，同時亦應發展資助房屋應對市民需要。

轉按好過賣出物業

確實現在賣出物業嘅成交價格對比銀行估價為低，筆者也有物業一邊放租，同時也想放售，感受到如果需要短時間內賣出必須有很大折讓。防止樓市過熱措施過時，加上加息及環球狀況，減低投資者買屋收租嘅意欲，亦有人因為要移民急放，以上都係導致樓價樓梯級下跌嘅主因。如果沒有短期移民打算，現階段轉按賺取回贈可能比較賣出物業更好。