近日筆者收到不同銀行息誘的新聞和短訊,當然條款盡在細節中。如果是單張,可能要用放大鏡才看到的條件,例如長達兩個星期嘅超高利息,銀行嘅想法是希望存入者兩星期後千祈唔好記得曾經做過這一個定期,更加希望是存款者繼續把錢留在戶口享受低息。另一個取向是長達一年的定期,可能給予接近3%的年利息。本來這一個是最吸引,但是古惑的疫情加上強悍的息魔,除非手頭上現金異常充足,有錢冇掟駛,否則絕不適宜將大額資金存入,加上往往銀行高息吸客戶就係市場買平嘢嘅時候,要好息之餘也要好得靈活。
按揭存款戶口比較靈活
即係大家所提及嘅Mortgage Link,好處同特性相信大家都知道,對筆者來說最大嘅好處就係可以隨時提款出嚟,存款賺取按揭利息,對沖增加咗的利息開支,如果按揭方面並沒有這一個戶口,可以透過轉按去開啟,加按之餘也可以將備用現金存入,而利息走勢暫時看不到短期內會回落,意味著透過私人貸款等等的方法融資利率也會同步急升,加上還款時間短和影響信貸紀錄等等,未必係最好方法。如果讀者已經有一些私人貸款,感覺到每月還款比較吃力,持有的物業也有轉按加按的空間,可以透過這個方法提早償還私人貸款,只需要申請轉按的時候,同步提供私人貸款還款明細等等資料。
銀行才是最好息
銀行係從事利差交易嘅表表者,佢哋嘅營運才是最深嘅套路,存款者願意用極低嘅利息把錢存給銀行,銀行再用不同的高利息貸款形式借款給還款人,而樓宇按揭屬於最低利息的一環,在香港按揭貸款也比較幸福,一來沒有貸款手續費,二來可以透過定期轉按賺取銀行及按揭中介公司回贈節省利息開支,套路不深、簡單直接,筆者都相信呢個方法會越嚟越多朋友用,但係銀行嘅資金成本增加,會唔會喺僧多粥少嘅情況下減低offer實屬未知之數,最好方法都係快快行動。
太過好息
相信較早前都不少朋友接觸過唔同形式嘅摃桿融資,例如保費融資類別,筆者都曾經聽過好像冇得輸嘅計劃,但潛在風險注意因素等等點解在這個時間不建議,稍後文章再詳述,只能說太好息的傷身又傷金。
上車樓
如對本文章有任何問題或意見,歡迎按右上角 Whatsapp 按鈕聯絡我們互相交流。