好波不如好運，返工不如做自己老細

作者:

上車樓

-

2018-07-26

-廣告-

推薦文章：【7月5日更新】每週銀行按揭利率和按揭回贈比較

作者：上車樓

投胎投得好，一世冇煩惱, 呢樣係先天性, 唔通大家提早結束再去幸運大抽獎 ? 雖然呢樣嘢係廢話 ,但係都成為好多人唔想再進取嘅藉口.

人大咗，就會見到大家嘅故事進程不斷改變中，當然不少有父幹的朋友們，只要他們繼承屋企財產，已經勝過我們這些營營役役的小投資者一世的財富，係唔公平，但係呢個世界本身就已經唔公平，冇能力改變，就乖乖地自己諗方法逐步逐步去追。

看返工仕途上，相同努力但可以出了兩個截然不同的結果，更何況更多不公平嘅情況，就係付出最多努力最投入最多嘅，相反就係得到最少嗰個，上咗位嘅就會覺得對方唔識食腦，上唔到位嘅就會覺得上位嗰個純粹幸運或者擦鞋，當然識做人都好重要，但係現實真係睇老細個人喜好，遇到一個識欣賞自己嘅老細其實都係運氣嘅一種，好波不如好運。

如果明知自己運氣普通，也不是行運超人，更加要乖乖地進行另一些投資，增加自己收入，喺呢個時代，得一份工搵錢係好危險，如果大家返工係老細紅人，沾沾自喜，開口埋口只有工作，有冇諗過有一日你老細都會畀整個行業淘汰或者被人工智能取代？況且大部分老細都係認錢唔認人，尤其公司接棒交給二代，這一類老細紅人往往係被宰殺嘅對象。

做自己嘅老闆

買磚頭投資，係最簡單最實際亦都可以傳承嘅資產，這個是不會影響正職的第二事業，當然入場門檻會越來越高，但其實只要買對的地方，無論香港或者海外也冇所謂。

兼職工作或者兼職創業

越來越多人擁有不同嘅身份，從前嘅觀念對有不同的身份的人認為是不專業，但現實往往相反，他們是擁有不同的專業知識，但他們更加清楚一份工不能夠番一世，可以話係自己個人上嘅風險管理，如果正職有什麼勢色不對，也不會即時沒有收入，當然同時係擴展自己人脈，日後轉行或全職創業也會有相當幫助.

現在無論市場或者老闆都係負心漢, 唔會考慮你之前嘅豐功偉績，當有一日年紀大咗 ,跟唔到個社會去變，就可以被退休。返工嘅除咗自保之外，更加要好好諗定去路，現在大家都話要提早退休，但如果只靠返一份工，我真係諗唔到點樣可以提早退休，返工嘅生涯，手停口停，唔好發夢咩年金強積金可以使你好好生活直至百年歸老，喺香港呢一個機會四處的社會，唔識用低息買磚頭，都幾難好好退休。

上車樓

如對本文章有任何問題或意見，歡迎按右上角 Whatsapp 按鈕聯絡我們互相交流。