【名家投稿】家產分配(一) (上車樓)

作者:

2021-05-17

-廣告-

推薦文章：【7月5日更新】每週銀行按揭利率和按揭回贈比較

一個好大吉利是嘅話題，如果有仔女嘅朋友又剛剛年過50值得深思一下；雖然香港係人均年齡最長壽嘅地方，但係唔同嘅危疾卻經常出現，尤其是工作量工作壓力越來越大。就算去到筆者這一個四十出頭的年齡，也有擔心提早收工嘅可能，開始要關心身體同時也要諗真係不幸之後家人嘅情況。身邊多了一些沒有交代便離世的故事，雖然唔係吉利但係都係屬於人生財產管理的最後部分，值得用一些時間去好好處理。

切勿過份偏心

早年還有不少老人家重男輕女，家產差不多是男嘅有得分女嘅冇得分；就算如果兩公婆其中一個先離世，分到家產大部分的男丁也不一定會負起將來照顧老人家的責任。錢都收咗，點樣對待家人絕對有佢嘅自由。現代男士傾向聽老婆話，結果老婆才是最重要的，財政大權結果在另一半手上，收到家產的男丁唔理阿爸或者阿媽嘅故事經常周而復始不斷在發生中。

如果屋企兄弟姊妹眾多，更加會製造了一個可以十數年以上的心病，老人家可能已沒有機會看見，但係往後的兄弟姊妹關係也不會好得什麼樣。遺產本來係傳承，係上一代嘅心意變成你爭我奪嘅利益only，簡單講分多分少最緊要人人有份，分別也不適宜太大。

要仔女明白家產非必然

開始準備諗緊立平安紙嘅朋友，必須要在生前先教育，繼承家產非必然，係上一代嘅心意，要學識珍惜和發揚光大。如果有另一半的，切勿將過大的份額直接交給仔女，因為將來仔女各有另一半，如何對待老人家也充滿變數，加上現在香港嘅文化係超級表面，口講嘅孝子賢孫就大把，真係要實行要幫手嘅時候就有九萬幾個藉口。所以養兒防老已經變成養樓防老，信物業好過信親人，聽落好冷血但係卻是事實，你嘅仔女會有另一半，但你嘅物業不會有另一半，更加可以不斷產生收入並且傳承下去。

有立遺囑嘅意願的朋友都是想身邊嘅親人可以好好活下去，筆者看到身邊很多失敗例子，結果逝者遺願不能好好傳承下去，爭產卻弄得家庭六國大封相。所以人生理財最後階段，如何傳承、如何定下遺產分配，是一門不想面對但卻是需要好好處理的事情。

上車樓

如對本文章有任何問題或意見，歡迎按右上角 Whatsapp 按鈕聯絡我們互相交流。