【名家投稿】對的事情不斷做 (上車樓)

-廣告-

疫情困擾全世界大半年,歐美感染繼續屢破新高,無論讀書返工做生意都好大家都困擾非常;就算筆者都覺得好難適應,投資策略或者其他大計也全部暫緩,因為不斷喺度估計緊個市場,同埋要準備下一步點樣做。但疫情變化多端,正當以為希望在明天,結果就明天再明天,我們嘅計劃策略投資都變成明天再明天。

只好對的事情不斷做

既然疫情控制唔到,政治估佢唔到,經濟唔知點樣好,只好反璞歸真,覺得是對的事情不斷做。例如係返緊工嘅朋友,所以同時準備定增值自己開展B餐。疫情嘅影響,你老細都控制唔到,現實講大家都喺度拗緊頭。如果一個唔好彩,係疫情重創嘅行業,你老細都可能畀市場炒嘅時候,更加要準備好自己。疫情全世界都受災,如果唔係生活必需品有關嘅行業,要轉工都唔係一件容易嘅事,當然如果大家係做緊呢個行業嘅朋友就盡力增值自己做好份工,隨時有危有機。

不斷學習

學嘢係咪一定要畀好多錢,其實又唔係,亦都唔需要幫襯自動吸客系統;反而係youtube度睇片,喺facebook度爬文章,去香討傾下偈,已經可以增長唔少基礎嘅財務知識。同步買書不斷自我學習研究,最好能夠搵一啲致富方法理念差唔多嘅KOL,當然唔係一個課程收你十萬八萬嗰一隻。透過不斷學習研究再學習,財務增值知識應該會略有所成;要透過實行,去嘗試自己嘅功力去到邊一度,或者有冇諗錯方向;唔好學習一啲短期內可以發達嘅方法,因為事實係冇,No pay no gain,高回報投資永遠附送高風險。係呢個亂局時間,唔少人生一啲高風險,甚至騙案級嘅投資包裝成穩陣投資,加上大部分香港人都諗住搵快錢,諗住有個號碼跟住買就發達,結果輸爆廠嘅故事經常發生,喺疫情之下輸錢唔容易搵得返,所以要盡量精靈。

如果大家嘅財政收入來源全部都係返工返工返工,反而趁呢個時候應該學識投資投資投資,但係更加要理解穩陣穩陣穩陣,唔好人買你又買,現世代人類好複雜,吹水能力極高,如果冇乜投資經驗嘅真係唔識分析是真是假。

唯一摸得清是磚頭

全世界救市方案都係量化寬鬆,可以預期疫情穩定或者過去之後磚頭因為海量金錢湧入,可以收到嘅存款利息下跌,貸款成本減低,從而推高物業市場價格;呢一個事件不會淨係在香港發生,新冠肺炎非常環球性,同2003年沙士的分別很大,身邊還有不少朋友諗住可以買平樓諗住幾時會大跌。但現實呢個格局,香港物業價格大升就暫時睇唔到,但係大跌嘅機會更細。如果自住嘅都可以因應自己嘅還款能力去購買, 如果係純粹投資嘅,可以量力而為。如果香港太貴,不如諗下其他地方,但係喺呢一個市要記住千祈唔好用盡。

身邊嘅朋友包括小弟趁呢段時間其實可以增值自己開放眼界,結交不同正能量朋友,從而擴闊自己嘅眼界和可以準備疫情後的投資取向和生意發展,喺呢個時候對的事情不斷做。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com