【名家投稿】小心疫情也要小心騙徒 (上車樓)

作者:

2020-03-23

-廣告-

推薦文章：【7月5日更新】每週銀行按揭利率和按揭回贈比較

疫情越嚟越恐怖，意大利疫情的死亡人數已經突破中國，病菌橫行，同時間大家嘅生意亦都叫苦連天，還有是看不清的環球未來，同時間所衍生嘅就係，想搵快錢嘅騙徒，加上失業率激增，擔心疫情擔心經濟擔心自己荷包更容易墮進騙徒嘅圈套。

疫情騙案

相信大家有留意新聞都知道口罩騙案數字急增，大家求口罩心切，更加想買到一些比較優質的口罩，無論網上平台，朋友搭上搭上搭的也有，當然其中也有不少騙徒混在裡面，收咗錢之後就逃之夭夭，人間蒸發。為求口罩大家也不會理會對方可信程度，機場女職員也能夠騙下三百萬港幣的口罩訂單。

預售口罩風險

現在口罩暫時喺香港供應都ok，只是價錢比較高一些，政府也有資助給在香港設立口罩廠的廠家，但是現在口罩生產最大嘅問題係中間嘅過濾膜短缺價格高企，香港製口罩去到今天很像還未看到實體供應，多數用預售形式發售，這個情況有所擔心，一但過濾膜價格再次急升或者持續短缺，畀咗錢收唔到貨嘅機會都會隨之而增加，大家購買預售口罩嘅時候也需要注意這些公司的背景。

搵快錢的神奇投資

環球經濟下行，如果唔係做政府嘅點都會有所影響甚至已經進入失業大軍，大家刀仔鋸大樹想搵快錢嘅心態非常濃厚，一啲神奇嘅投資項目會越嚟越多，加上疫情影響下，不少人認為另一個營商機遇就係宅經濟，網上夾公仔或者其他相類近嘅生意機會可能會越來越多，當然喺咁嘅時勢正正經經做生意唔會搵得好多，最好搵嘅都係賺投資者錢，大家要小心唔同披着宅經濟字頭嘅生意。如果正正經經做，現在疫情所帶來的宅經濟，絕對是生意機會但只怕有心人更加想殺雞取卵。