自從屯赤隧道開通之後，屯門和東涌及機場嘅交通時間大大減低，屯門南十分鐘可以直通機場，大家重新再留意屯門嘅樓價。唔少朋友入咗去屯門尋寶，始終屯門嘅呎價同市區嘅呎價有一段頗大嘅距離，尤其一啲兩房單位，埋單價格明顯比市區的便宜得多；加上鐵路網絡越來越完善，多咗朋友願意用比較長的交通時間佢換取低樓價的兩房單位。
屯門兩房單位主打
屯門物業供應方面，比較多已補地價或者第二市場嘅居屋供應。已補地價計算實呎價格講緊大約是一萬港元或以下已經有交易；四百多呎的兩房單位可能講緊都係四百萬港幣多啲，變成上車客人嘅budget buy。加上西鐵交通網生活配套越來越完善，入場價格和租金會比東涌更低，相信喺疫情過後會吸引不少機組人員租住甚至購買，大有追落後嘅優勢，值得睇高一線。
東涌也不能忽視
大家都知道東涌向來都係機組人員熱愛租屋嘅地方，但係航空業停頓下退租潮在東涌紛紛湧現，租金和樓價也有明顯下跌。喺小弟嘅角度，這裏因素導致嘅租金及樓價下滑通常會跌多咗，如果家庭客喺香港島地鐵沿線返工，其實都係入市良機；尤其一啲三房單位實呎價格可能只需約一萬港幣多一些，8百萬港幣也有機會買到東涌三房物業，係屋苑嘅budget buy。
香港兩個中心地帶
大家知道傳統嘅中環尖沙咀西九龍係香港嘅商業中心位置，但係隨著大灣區尤其深圳經濟發展蓬勃，和深圳鄰接嘅地區逐漸變成另一個經濟中心，前海嘅樓價說實比香港嘅屋苑還要高，無論喺自住或者投資角度出發都要留意兩個中心化嘅情況。傳統地區優勢事實係不斷減少，不少朋友睇好東九龍地帶會成為另一個CBD，但係疫情過後環境可能有所變化，傳統中心地帶嘅寫字樓租金大幅下降，吸引不少辦公室回流主要商業區。Zero Contact疫情新經濟下，大型辦公室嘅需求急劇減少，加上疫情加速了公司精簡人手，更加吸引回流主要商業地區。
住宅方面鄰近深圳灣機場以及港珠澳大橋很大可能會成為另一個住宅的中心地帶，在疫情穩定後幾可肯定跨境返工嘅朋友會多咗。喺疫情下經濟沒有特別大重創的是大灣區，將來住東涌住屯門但係返工就喺深圳的情況會更加多，國內嘅人工水平追貼香港尤其是深圳，但係香港嘅人工上升缺乏動力，跨境返工會變成新趨勢。
上車樓
如對本文章有任何問題或意見，歡迎按右上角 Whatsapp 按鈕聯絡我們互相交流。
推薦文章：【4月13日更新】每週銀行按揭利率和按揭回贈比較
推薦文章：2.45% 按揭、轉按現金回贈，誰與爭鋒！
想知邊間銀行按息最平，回贈最高? 請留言向我們索取最新情報
苟姑娘教你如何選擇按揭中介：
關於我們
免費按揭轉介，幫客人格價和尋找最低利息、最高回贈的銀行，以及為客人解決按揭上的奇難雜症。我們不收取任何費用，只想把所識和所想，向客人分享。公司的獎項和里程碑：- 環聯（Transunion, 「TU」）正式合作伙伴
- 榮獲 TVB「樓宇按揭轉介服務獎」
- 榮獲Capital 資本雜誌 「2020傑出物業按揭轉介」大獎
- 榮獲香港中小型企業總商會「2019最佳中小企獎」
- 榮獲都市日報「2018傑出按揭轉介」大獎
- 出版「按揭達人」一書，在各書局有售
- 於多份報章撰寫按揭專欄，包括蘋果日報、東方日報、經濟一週、南華早報、頭條日報、都市日報、經濟通ETNET等
- TVB樓宇節目：「Ben Sir 睇樓團3」於2019年8月放送，平均收視率16點
- TVB樓宇節目：「星之谷特約：蝸居宅急變」於2018年4月放送，收視率19點
- NowTV 樓宇節目：「星之谷特約：置業攻略」於2018年6月放送
- Facebook 超過1500客戶留言，讚揚我們的服務，並給與5星評分
