【名家投稿】年紀越大責任越大

【名家投稿】年紀越大責任越大
-廣告-

通常大家都係聽到能力越大責任越大, 呢一個係事實 ,但係人生階段不同, 隨著年齡增長,責任越嚟越大, 年輕時候可以犯錯, 但由返工開始, 人已經不可以不斷犯錯, 無論工作, 家庭, 每一個範疇責任隨著年紀而增長。

工作方面

正常返工來說,隨著年齡收入職位增長, 由自己唔可以犯錯去到要睇埋下屬唔可以出錯, 當然更加多就係如何將錯誤推給下屬,自己永遠都唔會錯, 呢一個就係返工嘅生涯, 年紀越大責任越大, 最後整個人生都奉獻給工作, 當然報酬已經得到了,就是大家的人工, 曾經有人說過, 職位越高處理嘅嘢愈少, 其實往往係事與願違, 事實落手落腳做嘅嘢少咗, 但係佢哋嘅責任多咗, 很多要負責任的決定也在資料不足情況之下需要快快定音, 咁嘅情況下壓力唔會細, 當然做高層嘅都有相當嘅踢波技巧, 如非超級大鑊也可以犧牲下屬解決。

家庭方面

由父母的孩子變成孩子的父母, 責任一定會越來越大, 隨住家庭開支嘅增加, 為人父母嘅想從職場退下來很像不可能, 只好繼續營營役役真係大嘅唔食細嘅都要食繼續去打拼, 一個唔好彩, 退休生活都未享受就已經先行一步。 如果甘心下一代向下流, 壓力係會細好多, 但係有幾多個父母甘心咁做, 為人父母都想下一代比自己有更好嘅成就, 更好嘅生活, 所以不斷父母幹, 仔女享福。

如何平衡

講咗咁耐熟悉筆者習慣都會知道就係鼓勵投資嘅時候, 今次會加埋價值觀。 返工投資目的都係賺錢, 究竟有乜嘢方法可以搵返相約嘅現金流 去支援自己支援屋企, 傳統嘅就會係物業投資 比較穩陣嘅股票債券等等, 例如果為咗支援生活, 買的東西不可以太高風險。 筆者上星期和客人閒談, 客人是上市公司的高層, 儘管薪高厚職也訴說壓力實在太大, 就算返屋企也帶著公司嘅壓力, 寧願開開心心收下息收下租, 收下股息, 也想好好享受家庭生活, 為家庭貢獻也不要為工作獻出一生。

逃避現實

筆者也認識一些朋友, 他們想著不是向上,他們想著盡能力士爭取政府最大的資源, 簡單嚟講返工盡量做低份人工, 或者係用現金出糧的, 想辦法符合這一個門檻, 爭取日後成功上樓換取居屋, 但可能所需時間講緊係接近十年才做到這一個動作, 如果乖乖地儲錢上車, 兩公婆四五年也很難儲蓄不到四五十萬元吧, 先上車慢慢換。 有人話香港買樓嘅係樓奴, 筆者反而認為前者才是, 花這樣長時間去降低自己搵錢嘅能力, 處理得好十年內可能已經有一個自住單位一個收租單位或者以上, 可以創造現金流。 是這一個往往係價值觀嘅問題, 有人諗住 逃避高樓價這個現實可以活得更好, 但結果往往是事與願違, 最慘的是把這個價值觀傳授到下一代, 要是下一代能自己醒覺, 否則在這個 老鼠賽跑圈繼續不斷跑就這樣一生。

年紀越大責任越大, 為人父母嘅除咗財富傳承還有是把正確嘅價值觀帶給下一代, 讓下一代活得更好更開心。

上車樓

作者其他文章:
https://goo.gl/P129uc

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com