樓市好友板塊

【名家投稿】幾時退休?

作者:

2019-03-31

-廣告-

推薦文章：【7月5日更新】每週銀行按揭利率和按揭回贈比較

近幾個月中年定義重新定位, 去到65歲也可以叫做中年, 加上香港成為全球最長壽嘅地方(日本都係排第二), 高齡化社會意味著退休時間也在延遲, 一來勞動力不足, 二來未必有足夠嘅財力可以安享晚年.

正當中年重新定位, 身邊多了朋友未到退休之齡已經提早退休，或者咁講佢哋已經財務自由，當然未必個個也是很富裕地財務自由，每月嘅被動收入可能比從前嘅人工少，但係再見到佢哋嘅時候我覺得佢哋比從前開朗豁達得多，就算從前高薪厚職也見他活於壓力之中，生活態度也大有變化，只想為自己和家人而活，變成了淡薄名利的高人。

高人工高壓力

高薪厚職高壓力可以說是離不開的，接觸到的朋友他們也坦言寧願節儉一些提早退休，把時間留給家人和做自己想做的事，也不願在職場中拼到最後一刻。返工就係手停口停, 職位高唔係做最多前線嘅嘢, 往往係事情嘅分析決定同埋孭鑊, 壓力其實唔會比前線少。消費習慣方面, 不少高層的每月洗費也是高層，面子行先可能儲錢都唔多, 如果沒有良好嘅投資習慣就真係富爸爸所講嘅老鼠賽跑，跑到兩腳一伸。

要諗埋仔女嗰份

一種就係被逼另一種就係自願, 大家最想選擇嘅當然係自願退休, 如果唔係公務員基本上都係靠自己嘅積蓄同埋投資被動收入去安享晚年, 年輕人也不易上流，而家連退休都要幫仔女諗下佢哋條後路點行，冇人想仔女輸在起跑線，所以咁高樓價嘅情況冇父幹就好難上車，同埋佢哋出嚟已經係喺唔錯嘅環境之下，好細個就已經有自己嘅獨立房間，甚至出入有工人照料，變咗咁嬌生慣養情況之下叫佢白手上車難上加難。

選擇退休時間

退休除咗強迫和身體主導，最重要係被動收入，買樓當然係最好嘅選擇，被動收入去到等於家庭開支便可以達成最基礎嘅財務自由，但事實同時都要調整自己嘅用錢習慣，有時上網都睇到唔少關於理財教室教人哋如何調整，但呢一類教室往往忽視未來性，高通脹嘅時代都夠膽講到時做到呢個回報，想買嘅物業可能又升多三四成，所以沒有可能唔用磚頭為主要嘅投資工具。

消費性保險

筆者都是神鼓勵購買一些消費性的保險，因為公立醫療基本上冇帶可能會滿足到我哋嘅需要，高通脹嘅時間同時都面對緊高醫療費嘅問題，一些消費性嘅保障是需要的，儲蓄性方面就不太建議，一來保險投資工具規限太多，有乜嘢事要趕著用錢說實唔方便, 二來頭段時間大部分都變成了佣金同埋行政費用, 不如買一些高息的藍籌股或者公用股, 回報相對地穩定也可以因應財政狀況隨時套現.

到財政狀況許可嘅時候就可以決定退休時間, 當然早退休係好事, 人生草草幾十年, 對自己年華老去, 好多事情已經做不了。為著自己的存在感而活，可以考慮在退休後多做善事，或者部分的財產捐贈予慈善機構，筆者十分深信行善積福，就算冇回報也可心安。

上車樓

作者其他文章：
https://goo.gl/P129uc

如對本文章有任何問題或意見，歡迎按右上角 Whatsapp 按鈕聯絡我們互相交流。