【名家投稿】懶人的致富方法 :利疊利

【名家投稿】懶人的致富方法 :利疊利
-廣告-

呢個小學大家都有學過, 有睇子華神棟篤笑都有講, 只要入學開始計算讀書嘅錢不斷去投資不斷去利疊利, 到你同學畢業搵工但你已經可以有錢請佢返工, 雖然誇張但不無道理, 但點樣應用喺現實生活同埋投資先至係最重要.

呢排樓市繼續調整, 雖然筆者覺得已經差唔多定, 但還有很多投資者驚驚和想尋找香港物業以外的投資。 想點樣做到又要贏錢又要戴頭盔, 其實不妨考慮繼續用加按這一個方法去換取低成本嘅資金,再做一啲相對穩定嘅投資賺取利差, 之前都有文章提及領展(#823), 這篇不作多談, 反而係會講多少少利疊利嘅投資心法。

現在加按,年利率大約兩厘幾, 但同時只要定期轉按每兩年也收返二點幾個巴仙嘅回贈, 暫時嚟講都會係一個最好嘅借平錢方法, 只要下一個投資項目,回報穩定地有三個巴仙或以上,就已經贏得不俗的利差。 當然銀碼大利差越大, 想平凡人財務自由, 賺取利差係最快方法。

尋找好悶嘅投資項目: 股票

利疊利法則唔係在乎短期利益, 所以投資方面嘅東西都會好沉悶, 利用時間值和回報增加現金流和致富嘅方法, 筆者自己都有少少儲煤氣(#3)嘅習慣, 當小弟跟朋友說, 他們第一件事就回說佢唔識升㗎喎, 其實呢個都係事實, 但大家只要做少少功課睇一睇佢派送紅股,走勢和基本利息, 就已經畀咗答案大家, 沉悶反而係佢嘅優點。

尋找好悶嘅投資項目: 海外物業

認識小弟的朋友都知道小弟有投資日本物業, 事實租務市場冇香港咁蓬勃但回報事實係高, 風險就係好難加租和尋找租客的時間也長好多, 但我尋找的回報並非資本增值, 係穩定嘅現金流去繼續利疊利,假設每一個物業大約七十萬港幣, 實收租三千零蚊一個月, 十個大約三萬零蚊, 大約七百萬港幣嘅投資每年就有36萬港幣嘅正現金流, 只要大家啲錢係繼續投資,意味著每兩年就可以增購一個單位繼續收租, 甚至每年買一個不用40萬港幣的, 這個遊戲如是者五至十年後, 可能淨現金流已經去到每個月七萬零蚊, 可以實現一下基本嘅財務自由, 當然還有好多投資產物可以做到上述回報甚至更好, 但要記住 利疊利嘅心法, 主菜係穩定嘅回報並非資本增值。

好多人買樓買股票單純係求資本增值, 現在調整市開始大家也正常化, 資本增值會繼續用部分資金去尋求, 另一方面同時都要有穩定嘅現金流同埋紀律地繼續利疊利的遊戲, 呢個遊戲越早玩越好, 隨著時間和利疊利嘅威力, 只要放在一旁繼續錢生錢生錢, 財務自由難度唔高。

上車樓

推薦文章:2.4% 按揭、轉按現金回贈,誰與爭鋒!

 

推薦文章:【12/7 更新】每週銀行按揭利率和按揭回贈比較

 

想知邊間銀行按息最平,回贈最高? 請留言向我們索取最新情報

 


關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑:
     
  • 環聯(Transunion, 「TU」)正式合作伙伴
  • 榮獲 TVB「樓宇按揭轉介服務獎」
  • 榮獲都市日報「2018傑出按揭轉介」大獎
  • 榮獲Capital 資本雜誌 「2018傑出物業按揭轉介」大獎
  • 出版「按揭達人」一書,在各書局有售
  • 於多份報章撰寫按揭專欄,包括蘋果日報、頭條日報、都市日報、經濟通ETNET等
  • TVB樓宇節目:「星之谷特約:蝸居宅急變」於2018年4月放送,收視率19點
  • NowTV 樓宇節目:「星之谷特約:置業攻略」於2018年6月放送
  • Facebook 超過1000客戶留言,讚揚我們的服務,並給與5星評分
詳情請瀏覽星之谷按揭轉介網頁:https://starpagency.com