【名家投稿】上車樓 x 表妹系列:防伏寶典

【名家投稿】上車樓 x 表妹系列防伏寶典
-廣告-

上車樓:上一篇講了十大嘅中伏原因,同表妹傾起,提及其實親戚嘅伏,也不可以不防。因為有時親戚介紹下投資失誤嘅例子好多,但有時敢怒不敢言。今次請埋表妹一齊寫依篇下集,分享埋女士們專屬既中伏位,同埋到底點樣防伏。

表妹:多謝上車樓邀請呢!表妹向來投資偏向保守,而且對親戚借錢的事情特別警惕。皆因小時候媽媽常提及遠方的親友如何連鎖式受一位外戚騙財,遠親又如何因為追對方還錢而受盡委屈,仲要無功而還!正所謂債仔惡過債主,親戚朋友借錢既結果都係影響交情多,可免則免啦!

上車樓:由於女性係家庭中既角色關係,婉拒親戚借錢既要求相對容易。反而我嘅態度會係幫襯少少當支持,如果這個投資項目或者東西太過離奇,小弟也會婉拒。如果各位讀者防伏可以由以下既角度入手:

1)扮豬

上車樓:都曾經參加過一啲商會聚會或者口才演講嘅講座,每當有機會發言就變咗認叻大會, 尤其輪流發言嘅時間見到吹水程度不斷上升中,我嘅角度寧願扮豬,喺一個唔係熟悉嘅環境陌生嘅情況下,自己嘅嘢就唔會講太多,寧願專心聆聽去分析有冇伏位和是否值得投資, 也不願意過度認叻吸引搵食人士。

表妹:一開頭都曾經差點被一眾口才過人的吹水學家騙倒(笑)。但只要堅持不要即時下決定,一旦離開這些搵食人士的勢力範圍,冷靜下來或者同信任既人傾傾,自然小心駛得萬年船。

2) 代入騙徒角色

上車樓:大家有睇警匪片都知道, 最勁嘅警察破案係代入賊人角色, 這樣會想像到下一步佢哋會做乜。自己會有個小小習慣, 就係用少少生意角度分析對方如何搵錢, 例如一啲超穩陣多年保證回報嘅項目, 我都曾經聽過一個英國樓盤,五年回報每年8%, 用一個好傻嘅諗法去計算, 五年回報連埋佣金成本行政等等大約係樓價一半或者以上, 結果這一個樓盤變成苦主大聯盟, 奇怪諗法就係點解發展商會願意找數, 呢個遊戲最大嘅利潤就係走佬爛尾。其實這個例子套入其他投資項目,也容易分析到走路嘅機會率有幾大, 因為投資者總會發夢發展商或者遊戲主持人會賣大包蝕做生意。

表妹:我就比較習慣只會下注落自己分析到既投資項目上面,所有投資項目必先親自消化資料。雖然有可能少左發大財既機會,但係有時唔輸唔失誤已經係贏。如果能力真係無辦法分析既話,咁就保留實力等下次啦。只要不斷獲得新資訊,總有新機遇會出現。

3) 避開闊佬

上車樓:人嘅錯覺就係邊個闊佬邊個就係有錢人, 筆者嘅經驗就剛剛相反,以前返工嘅時候都有一些身份顯赫嘅客人,但現實他們對錢嘅緊張程度,可能比小弟更厲害,出來做小生意開始明白,佢哋平時處事做嘢都係生意概念,他們考慮用錢嘅時候係考慮對方嘅投資價值。素未謀面,突然間有個闊佬好似食嘢買嘢完全唔睇價錢,每次見到佢嘅衣食住行都由佢照起,好似Chok左超必有無限金錢,大家就要小心,今日享用咗嘅款待第日還嘅可能係天文數字,到時機成熟嘅時候佢就會喺你身上攞突。

表妹:同樣道理可以套用於受一眾男士追求的女性身上呢!如果有背景不明的男士用「無限金錢」的招式在短時間內對妳瘋狂追求,大家得小心一點。這些人可能對妳有所圖謀,總之不要幻想隨街有免費午餐,財色兩失就不值得了。

4)孤高老師

上車樓:上一篇文曾經提及好多人中招,都係因為懶得上網搵資料,如果大家投資一個項目之前也google一下,我諗最少避開三成嘅中招機會,舊酒新瓶嘅方法,總會有蛛絲馬跡可以上網搵到。

表妹:除了Google大神以外,盡量多參與和外界交流的活動,例如義工和興趣班,學懂過濾資訊也是有效防止中伏的方法。

5) 關卡重重

上車樓:任何人都會明白行騙嘅項目經過政府機構越多,或者要得到唔同嘅認證,整個行騙嘅難度就會高好多, 所以宜家大家聽到嘅行騙項目,都係一啲特別投資產物, 不受任何機構監管的,例如唔知邊度嚟嘅債券,港珠澳中港車牌,裝修走佬騙案等等,這幾種東西往往衰咗都係求助無門,而製作這些「業務」的門檻也會相對地低,香港係法治地方,淨係得律師認證也未必有好大幫助,上篇文章提過製作這些東西的也很有可能已經諮詢法律顧問, 所以投資者都要有相當嘅警覺性。

表妹:還是一句,先對項目有足夠認識,或最少授權中立的第三方反覆查證。如果碰到上車樓提及的項目,情況就有如韓劇中的完美男主角忽然發動攻勢火熱追求一樣不可思議!倒要冷靜思考一下對方的背後目的,調查清楚先落水就安全至上啦。

上車樓x表妹

表妹其他文章

上車樓其他文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com
作者表妹—從事專職醫療行業,某商會前主席,閒時本只愛待在家嘻嘻哈哈,得前輩指點踏上買磚頭之路,繼而認識一班志同道合的朋友創立商會,希望以輕鬆的女性角度分享財富與人脈槓桿之道