搞按揭有免費旅遊保險同入得機場貴賓室?

做乜搞按揭有免費旅遊保險同入得機場貴賓室?

有朋友同我講，按揭選銀行，不外乎咪搵估價夠高，利息夠低同回贈夠多嗰間…… 其實大家可能唔意識，其實做按揭時部份銀行重畀好多吸引的優惠，以下係其中一種:

VIP貴賓理財服務

好多時好多朋友都想要有銀行的VIP貴賓理財服務，唔係純粹為咗貪攞張卡出來威啲，又或者係要攞錢有貴賓級專人款待，已係好多時銀行會畀呢款客戶額外的優惠，而普通客戶根本冇份。

通常銀行的VIP貴賓理財服務都有理財總值限制，每月理財總值唔到數會收取不低的服務費。

當大家用盡積蓄去買樓，銀行戶口理財總值都係低位徘徊，重諗乜鬼開貴賓理財戶口時，大家可能唔知道，原來問銀行借按揭，欠銀行錢夠多，都可以豁免服務月費晉身貴賓理財客戶。

以下係兩間不同大銀行的例子畀大家參考:

東亞銀行

東亞銀行本身要有HK$500,000或以上之理財總值先可晉身「顯卓理財」帳戶，但原來響東亞做樓宇按揭貸款總提取額港幣有3,000,000元或以上，就可豁免服務月費(每月港幣200元)。

重有，貴為東亞顯卓理財客戶，重可享有特惠存款利率外，重會預先批核東亞銀行顯卓理財World萬事達卡。比起好多人心目中的儲里數神卡”東亞銀行Flyer World Mastercard卡”， 雖然顯卓理財World萬事達卡新客戶迎新禮遇冇咁好，此卡不單可享Flyer World Mastercard的所有優惠 (豁免手續費以HK$5簽賬=8奬分=換1「亞洲萬里通」里數)，重永久豁免年費，及送每年2次免費12天個人或家庭旅遊保障計劃等。

大家係咪估唔到借錢都有呢種著數呢? 金管成日要銀行提客戶「借定唔借?還得到先好借!」，我就反而會話「借定唔借?睇清楚有乜著數先好借!」。我將來會繼續響北斗星呢個場同大家分享吓有乜好銀行優惠，請繼續留意。

Skywalker

如對本文章有任何問題或意見，歡迎按右上角 Whatsapp 按鈕聯絡我們互相交流。

推薦文章：【每週更新】銀行按揭利率及按揭回贈比較  

推薦文章：2.45% 按揭、轉按現金回贈，誰與爭鋒！

 

想知邊間銀行按息最平，回贈最高? 請留言向我們索取最新情報

 

---

陳凱琳同苟姑娘教你如何選擇按揭中介：

關於我們

免費按揭轉介，幫客人格價和尋找最低利息、最高回贈的銀行，以及為客人解決按揭上的奇難雜症。我們不收取任何費用，只想把所識和所想，向客人分享。公司的獎項和里程碑：

• 環聯（Transunion, 「TU」）正式合作伙伴
• 榮獲 TVB「樓宇按揭轉介服務獎」
• 榮獲Capital 資本雜誌 「2020傑出物業按揭轉介」大獎
• 榮獲香港中小型企業總商會「2019最佳中小企獎」
• 榮獲都市日報「2018傑出按揭轉介」大獎
• 出版「按揭達人」一書，在各書局有售
• 於多份報章撰寫按揭專欄，包括經濟日報、東方日報、經濟一週、南華早報、香港01、頭條日報、蘋果日報、都市日報、經濟通ETNET等
• TVB樓宇節目：「Ben Sir 睇樓團3」於2019年8月放送，平均收視率16點
• TVB樓宇節目：「星之谷特約：蝸居宅急變」於2018年4月放送，收視率19點
• NowTV 樓宇節目：「星之谷特約：置業攻略」於2018年6月放送
• Facebook 超過1900客戶留言，讚揚我們的服務，並給與5星評分

詳情請瀏覽星之谷按揭轉介網頁：https://starpagency.com

---