【名家投稿】新年新思想

【名家投稿】新年新思想
-廣告-

筆者先同大家拜個年, 祝大家新年行好運, 賺錢賺到冇停手。

其實新一年度都忍唔住,好似頭兩頁咁講,我真係學到好多嘢, 向進取的方向想, 小弟有很多不足,需要努力學習,另一個方向想,就是想身邊的朋友也係時候開放心眼, 面向世界, 更需要嘅係正能量, 同埋正面思想, 始終小弟和朋友的年齡將近40, 假設咁好彩有80歲命已經過咗一半, 事實已經唔係再想自己有什麼懷才不遇或者關心政治的時候。

選擇性出席

筆者從事小生意, 但事實身邊朋友關心的, 不是生意好與不好, 或者有什麼事情可以幫手, 其實最關心的是幾時做不住結業收場, 有時筆者收到呢一啲特別關心嘅慰問, 都會一笑而之, 當然也會減少出席呢這一類場合, 因為他們在放的是負能量, 他們關心的還是政治, 或者祈禱樓市不斷下跌, 每次出席完這類場合, 回家也要打返一兩個鐘頭機先可以平衡心理, 因為負能量太強勁影響工作. 而年紀大咗, 可以避免嘅應酬或者活動就可免則免, 寧願多些時間陪家人, 甚至是隨心所欲大睡一覺, 也總好過吸收負能量。

其實沒有惡意

其實很明白朋友的心態, 他們想著面對可能係工作或者其他事情嘅不公, 或者樓價超貴根本唔係容易買得起。 但係香港就係如此, 要公平就要有能力, 但身邊朋友往往地想著世界圍著他們而走, 當然在想樓價是因應佢哋嘅供款能力去調整, 當發現收入或者儲蓄是很難追上的時候, 敵社會心態便會形成, 能夠接受現實拾級而上的其實不多。

自得其樂

不少朋友也有一個毛病, 就係堅持某一個事情, 贏1鋪輸9鋪都唔驚嘅精神, 就正如敵對球迷, 日日望利物浦輸波, 佢真係輸一場就當贏曬, 但忘記了可能9場都冇輸到, 正常投資者都唔會為了賭氣, 但返工嘅世界有好多呢一類人, 另一類更多嘅就係花生友, 共通點係唔會把握到贏九場輸一場嘅機遇, 就好似呢十幾年買香港樓一樣.

返工嘅世界係唔會教你投資, 最好做隻出色的馬仔, 整套價值觀也完完整整拍咗入去, 對好多新事物已經拒絕接受, 最簡單講嘅就係覺得佢自己做唔到,全世界都唔應該做得到, 就算做得到嘅都係幻覺, 自得其樂.

放棄學習

筆者身邊人, 不諱言其實去到放棄學習嘅階段, 可能年紀去到中間, 在自己嘅行頭或者某一啲嘅範疇裏面都有相當強嘅自尊心, 鞏固自己自尊心嘅方法就係不斷無視其他新嘅事物, 尤其係返工嘅世界, 真係唔知點解身家和財富係同人工職位直接掛鉤, 但現實係咪咁就當然唔係, 看得通的人早已抽離, 更有一些是高職位高智慧高財富, 看不通的往往是營營役役, 為著自己成就自high的上班一族, 往往到自己發覺冇能力再拼嘅時候,才想如何經營財富, 這個情況往往能夠緊緊退休。

無補於事

點樣放負點樣怨都唔會有所改變, 要改變的唯有是盡自己能力去迎合世代, 到自己有能力嘅時候才為世界帶來一點點不同, 祝願各位讀者, 在新一年用新思維定下新目標, 無論財富和健康也更上一層樓。

上車樓

作者其他文章:
https://goo.gl/P129uc

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com