【名家投稿】旅遊時間 (上車樓)

time to travel
-廣告-

隨着大部份香港人熱愛嘅旅遊地點通關,0+0 或會在短期內實行,喺經濟下行,股市、樓市、債市甚至強積金都唔生性嘅時候,不如去旅行充一充電,改變唔到事實唯有改變自己心態,加上港幣同美金掛鉤,基本上去世界任何一個地方除咗美國,都可以享受強美元嘅優勢。

善用格價網站

不過,航空運載力始終未完全恢復,加上疫情下熱門旅遊地方有所改變,如何做一個精明嘅旅行者變成一門學問。試諗一下如果一年去幾次旅行,每一次都能夠精明地購入機票、酒店,善用優惠,兩公婆一年慳返五位數字並非不可能。要慳錢最基本入門就是善用格價網站,坊間大量機票酒店格價旅遊手機app,這些網站或者手機app用法遠比以前方便,儘管有時候當你click入去想訂機票嘅時候,發現價錢已不同,但一般來說還是比大家walk in到旅行社購買嘅套票為便宜,廉航的話甚至會比航空公司網站更相宜。

ticket price

預訂酒店善用優惠碼

一般嚟講,機票嘅信用卡優惠或者優惠碼會比較少,最常出現嘅係酒店預訂方面優惠。但不少訂酒店平台都係同一個集團,縱使大家成功格價,但可能相差還是很少,這時候最大嘅優惠 可能是旅遊網站嘅優惠碼,配合信用卡優惠一般預訂房間折扣達8-12%,惟個別酒店未必有參與。另外,就算同一個旅遊平台網站,只有某些指定信用卡才可享用優惠碼,消費者可以在付款前輸入優惠碼檢查是否可用才畀錢,亦最好選擇一些可以在出發前取消嘅方案。

訂機票攻略

筆者近來訂機票注意到,每當一些航空公司能夠成功增加同一目的地或鄰近地點嘅航班,機票價格就會相應下跌,可能係機票入手嘅黃金時間。而近來現實情況,同一張機票同一個目的地配套價格可以相差一半或以上,完全視乎訂購機票嘅時機。

travel ticket booking

如果在旅行平台訂購嘅機票,在行李寄存、座位選擇方面,往往操作空間較少,買家可以喺取得預訂號碼時,下載航空公司手機應用程式去加購行李、選購座位甚至訂購食物,價格可能會比旅遊平台直接訂購為便宜,也有更多選擇。此外,預訂機票時可考慮不用wifi,直接用手機連接上網訂購。

不過要留意嘅係,有時用同一個IP查詢相同航班太多次的話,機票價格突會然上調,喺預訂酒店時亦有類似情況,航空公司或者酒店都用類似方法去增加利潤,盡量將機票及酒店房賣出比較好嘅價錢。

賺返啲旅行錢

投資市場都繼續麻麻煩煩,風高浪急,呢個時候投資相信很多朋友都耍手擰頭,反而轉按係最容易嘅方法賺取旅遊經費。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com