舊年12月中,匯豐銀行推出咗新嘅為信用卡而設的應用程式,叫Reward+,電視廣告都搵咗Mc Jin介紹。除咗可以搜尋匯豐信用卡最紅優惠,及管理各項信用卡交易外,亦可以響Reward+ App上以「獎賞錢」繳付賬單。
使用呢個「賞付款」功能,響2月28日前以「獎賞錢」繳付賬單可享高達$80「獎賞錢」,呢個好多網頁都講過,呢度唔重複。不過賺得最盡嘅方法就係去百老滙或萬寧求其買啲嘢,好似去萬寧用匯豐信用卡買包糖咁,跟住響Reward+應用程式上以「獎賞錢」繳付賬單。怕醜驚買幾蚊嘢都轆信用卡?大佬,家陣有PAYWAVE、APPLE PAY、ANDROID PAY等等的拍卡消費,「嘟」信用卡都好正常啫。
為咗推廣Reward+上面的「最紅優惠登記」功能,匯豐銀行重加碼搞咗個「滙豐Reward+最紅新春賞」。於2018年2月16日至2月28日於Reward+應用程式進行登記,並於呢段推廣期內以合資格信用卡作單一簽賬淨額滿港幣500元,可獲享額外$28「獎賞錢」。
咁即係呢幾日下截及登記Reward+應用程式,學用埋佢嘅「賞付款」及「最紅優惠登記」功能,就可以加埋賺最多$108「獎賞錢。
得返三日咋,重唔行動?
Skywalker
如對本文章有任何問題或意見,歡迎按右上角 Whatsapp 按鈕聯絡我們互相交流。