【名家投稿】月光族(上車樓)

【名家投稿】月光族(上車樓)
-廣告-

較早前星期日檔案嘅主題是月光族, 主題不是新的, 但隨著不同年齡去看, 總會有一些啟發性,更吸引之處,是睇到受訪者嘅變化, 由洗錢好容易冇節制到開始明白搵錢困難, 尤其是想開始想改變生活,看到的含義係實現夢想, 就是要接受現實.

這幾位主人翁的故事, 有月光族月月清甚至欠下人工幾倍卡數的文職,由天天購物到開始踏踏實實地去開網店的, 和三位youtuber 順利用搞笑短片吸金的創業故事, 雖然他們是開始階段,但也值得尊敬, 行出嚟接受訪問和由月光族步向創業者, 走出comfort zone, 這份勇氣不是人人能做到。 筆者深信還有很多年青人甚至是中年人士, 還在月光族的圈跑跑跑, 這個圈是跑不到终點, 不幸的是到年紀大咗只好向下流, 最後只好慨嘆冇夢想同條鹹魚有乜分別。

消費習慣

無論衣食住行在香港一點也不便宜, 人工事實追不上通脹, 但呢幾年經濟好嘅光景帶來先洗未來錢嘅習慣, 總會深信今個月用了下個月能夠找回, 大家會看到私人貸款廣告氾濫程度和貸款嘅方便程度, 就會知道市場需求有幾大。 再加上人有我有嘅心態, 輸人不輸陣 ,大家食嘢買嘢毫不吝嗇, 入少出多嘅情況下唔爭下大量卡數已經阿彌陀佛。

免息分期付款

免息分期付款往往是另一個糖衣陷阱, 因為分期付款往往所購買的也是消費品, 會隨著時間不斷貶值 , 簡單來說也是將自己的消費未來化 ,今日享用明日還錢, 但對於投資者來說, 不會無端端減低自己嘅借貸能力( 加按借私人貸款一樣會在還款能力中減去), 除非呢啲係有益嘅借貸, 能夠為自己財富增值, 如果是消費性的寧願一次過付款。

存在感的錯

面書上IG上看到的全是享受生活, Fine Dining High Tea 豪華旅行, 名牌玩物月月更新 , 這些資訊每日也在面書和IG 氾濫, 大家看到是最美好的一面, 想像放 post嗰個有用不完的金錢 ,但現實是否如此真係唔敢講, 如果你認識部分人仕其實心知他們是普通打工仔一名 ,無論返工或者做生意上呢啲存在感都唔係輕易攞得到 ,最容易使用金錢堆砌,使錢係一件好容易嘅事, 但存在感過後得到啲乜嘢呢? 呢個係現實又殘酷嘅問題。

實現夢想也要麵包

其中開設網店的姐姐和三位youtuber, 毅然全職創業, 勇氣十分可嘉但現實看到他們在訪問中的心境變化, 更加明白實現夢想也要金錢, 要實現理想, 其實必須要有良好嘅儲蓄習慣, 筆者曾經試過創業不下三數次, 現實說之前的也是失敗收場, 經歷過呢幾次嘅創業學習到如何先自己唔死和有良好嘅儲蓄習慣,創業嘅熱誠同埋嗰團火係會隨著你嘅存款數字下降直至生活困難慢慢消滅, 有好嘅概念緊要, 但更需要嘅 係良好嘅儲備, 有時做生意係鬥長命。

筆者這幾年發現,大家嘅消費習慣其實都好影響大家將來資產上嘅累積同埋成就, 點解咁講,就因為發現資產越少嘅人洗錢就會越豪爽同埋愈唔睇價錢, 相反有累積資產習慣嘅其實心中已有算盤。

大家想要實現夢想, 良好嘅用錢和儲蓄習慣, 往往係最基礎要做嘅事情, 沉迷月光族嘅世界只會愈輸愈遠。

上車樓

作者其他文章:
https://goo.gl/P129uc

 

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com