未學贏先學輸

作者:

上車樓

-

2018-02-22

-廣告-

推薦文章：【7月5日更新】每週銀行按揭利率和按揭回贈比較

而家呢個樓市個個都唱好, 係咪真係冇風險? 所以今次特別啲 ,未上車和準備一開二嘅朋友喺入貨之前先預備好最兜踎嘅準備。

大家唔好誤會，我唔係睇淡，但無論係乜嘢嘅投資市場都好，都總有周期總有風浪，又要威又要戴頭盔其實係投資者法則，懂得進攻嘅人好多，但進攻能夠兼顧防守嘅永遠先係最強大.

上車同時準備定頭盔

預備半年開支嘅緊急現金基本上個個都有講, 但而家嘅樓價上完車仲有冇呢個能耐？實都好高難度, 除非大家都有父幹, 有咩事衰咗都仲有屋企救。

今次先講講救命錢準備嘅方法, 呢啲方法當然唔包括問親人借錢.

方法一: 循環貸款

小弟用開嘅方法之一, 不少銀行有迎新優惠, 通常首半年個利率都好吸引，但切記借完即刻還曬佢, 你嘅目的唔係要用呢筆錢，這一個方法隨時喺應急嘅時候都可用較低嘅利率借取現金, 由於呢個方法有啲似信用卡, 沒有提取貸款的話對大家嘅信貸紀錄影響不大。但要記住循環貸款銀行係唔多想做, 一定用盡不同方法勸大家改做分期貸款，一但變咗分期貸款就會嚴重影響供樓能力。

方法二：準備overdraft戶口

這個方法和上述的循環貸款差不多但都係勝在夠靈活但利率會較高

方法三：短期私人貸款

當然要記住千祈唔好喺搞按揭期間做呢一個動作, 貸款都留番完成交易為最安全.如果有身邊人願意為大家借錢，也可以提早實行，但切記不可以是擔保人或聯合貸款人或者係屋主.

發展第二事業

講完準備危急現金, 另一樣嘢其實係發展第二事業, 人工智能嘅普及，大家享受完當然有副作用，未來很多人力集中的文職工作，很有可能被人工智能取代，這一個洗牌效應可能令到大家本來嘅行業受到唔同程度嘅衝擊, 一個咁唔好彩失業仲要係整個行頭都死死地, 加上中國強大，香港呢個中間人角色越嚟越難做，不少有做開採購或貿易的朋友便會知道.

只帶頭盔唔去投資嘅其實頭盔都可以慳返，要做到攻守兼備，才能立於不敗之地，而這些危急現金，往往在風浪之後為你帶來另一個機遇，買第一層樓嘅時候其實已經為第二個單位作準備.

上車樓

如對本文章有任何問題或意見，歡迎按右上角 Whatsapp 按鈕聯絡我們互相交流。