【名家投稿】比華利山的故事 (上車樓)

作者:

2021-04-26

-廣告-

推薦文章：【7月5日更新】每週銀行按揭利率和按揭回贈比較

相信大家有留意youtube時事，呢一個故事大家都唔會陌生；今次分析嘅著眼點唔係騙徒有幾聰明，受害人有幾可愛，係香港人過份著眼背景裝潢；今次主人翁完美示範咗如何用幾年時間，砌一個宇宙級背景，完美程度去到大家FC都費事。當然大部分受害人都曾經收過一啲超級高的回報，跟住繼續加碼繼續遊說朋友嘅雪球效應，主人翁盆滿缽滿。

持有百幾間公司七間上市

咁利害背景嘅人，大家都識到一定係骨格精奇，或者本身地位超凡，遇到呢一個百年難得一個月有8個percent嘅投資機會；但大家想一想，好現實超乎凡人嘅人點會願意輕易接觸凡人，有咁厲害嘅投資機會正常梗係搵機構投資者先。呢一個裝潢老細咁有錢在股票市場買隻殼啫入去並冇難度，在公開市場可以賺到核爆，唔使應酬咁多淨係照顧啲VIP，點解會輪到一般市民呢？百幾間公司其中7間係上市，個老細願意和大家談天說地吃飯嘅機會有幾大？如果真係企業經營者正常都忙到甩轆，百忙之中也能夠特地抽空和大家談天說地，一係大家的價值超級高，一係諗下其實佢經營嘅業務就係同大家飲茶灌水搭掤。

忘記了FC

由於背景太靚又有保鏢傍身，加上每天晚上大魚大肉美酒佳餚龍蝦鮑魚，相信不少名人普通人也會放下戒心，忘記了Fact Check一下呢百幾間公司嘅真偽。做生意嘅朋友都明白間唔中啲客都會FC，我哋才會幫襯或者合作，究竟係小心還是我背景唔夠靚可以避免FC呢？但係偏偏大額投資就唔去FC，點樣講都係投資者責任。

上流寄生族

相信大家都有睇過呢套戲，現實要擠身上流並不容易，正正常常做生意係唔會咁容易上到去；大量嘅捐款超靚嘅背景，不得不佩服比華利山事件的主人翁，用多年時間搭一個咁靚嘅棚，明星名人比華利山絡繹不絕，一般家庭主婦也有幸成為投資者，只好佩服，高手嘅level不斷上升，自問怕死嘅我都要小心，現實資訊爆炸時代生意不會容易，只好勸大家要開放心眼避開陷阱。

完美助長

而香港每一次出現這一類騙案，受害者總是冰山一角，香港人就係咁，既然輸咗錢都攞唔返，自己行出嚟就會畀人覺得自己蠢，寧願當冇事發生過，有名人士更加會係；結果完美助長騙徒，加埋香港人嘅貪念，一般年回報幾個percent嘅投資不感興趣，一年賺一倍的神奇投資卻深信不疑，龐氏騙局只會繼續不斷發生，比華利山嘅故事出現嘅密度只會越嚟越高。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。