【名家投稿】浪費信貸能力

【名家投稿】浪費信貸能力
-廣告-

借左錢唔使還咩, 呢一句係每當筆者勸身邊朋友善用信貸能力, 得到的第一個答案。 如果佢哋嘅答案係借咗返嚟係咪有更好嘅投資或者有乜嘢方法賺得更多, 我就會繼續講埋落去, 因為講得出呢句嘅就算唔係投資者, 最起碼都有心 想賺錢, 好可惜, 我問十個身邊朋友十個答案都係第一句, 只可以說透過信貸能力去賺錢不是我朋友杯茶, 但願他們仕途美滿可能賺得更多。

筆者自作自受去勸朋友咁做, 主因身邊朋友不少是鐵飯碗, 或者專業人士。 他們的每月薪金收入比筆者多得多, 但卻在不斷訴苦, 說工作壓力大什麼什麼, 樓價怎樣貴怎樣離譜, 又想把最好的給下一代, 但眼見他們除了自住樓之外, 只有些股票和基金的投資, 訴說呢一啲投資根本追唔到通脹, 承傳給下一代寧願慢慢慢慢儲錢, 結果可能係佢哋啱我錯, 但憑筆者皮毛的經濟知識,高通漲印銀紙嘅時代, 十年八年見唔到停嘅跡象。

貸款期越長越好

對投資者來說可以話係廢話, 但真的還有一批中堅份子, 佢哋對借錢嘅取態就係借錢唔好, 有能力嘅現金買樓, 借錢不光彩等等。 就算佢哋借錢, 都係想盡快還完, 一層自住樓用退休金或者強積金過活便算了。 但可以預見嘅現實剛剛相反, 通脹嘅蠶食, 儲錢抗通脹絕對唔係一個方法, 透過拉長貸款期, 投資穩陣嘅項目, 最重要回報係會跟住實際市場情況和通貨膨脹一起走的,筆者所講嘅當然大部分係磚頭, 或者部分紙磚頭都有呢一個功能。

錢越嚟越唔值錢

今日儲蓄嘅錢將來只會更加唔值錢, 就算而家勸人自願性供款可以免稅, 強積金投資嘅產品平均都有可能輸畀通脹, 可能有人話呢幾年好多強積金表現都唔錯, 麻煩拉長10年至20年,將全部強積金拉埋一齊睇, 或者睇返以前嘅歷史紀錄, 筆者眼見自己的就唔係多咗好多, 計通脹嚟講仲算係落後。 所以強積金只可以當輔助部分, 自製嘅退休金永遠都係主力。

十年儲唔到一百萬

如果兩公婆是一般前線文職工作,事實真係唔容易儲錢, 儲到幾十萬已經好厲害, 如果兩公婆是教師的或者係專業人士, 筆者就真係不明所以, 幾可肯定理財是出了問題, 而儲蓄唔到錢未能夠上車, 除咗樓價不斷上升要捱貴樓, 同時浪費咗穩定高人工的借貸能力, 來回計算一下, 可能一個剛剛八位數字的物業, 如果能夠有良好理財和儲蓄習慣, 早一些購買到所節省到和賺到的錢比強積金可能還多數倍。

如果大家有緣喺度睇到呢篇文章, 又發現搵錢搵幾多洗幾多資產又冇乜特別增值, 不妨重新計算一下, 可能有新嘅出路。

上車樓

作者其他文章:
https://goo.gl/P129uc

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:2.5% 按揭、轉按現金回贈,誰與爭鋒!

 

推薦文章:【8月15日更新】每週銀行按揭利率和按揭回贈比較

 

想知邊間銀行按息最平,回贈最高? 請留言向我們索取最新情報

 


轉按新買準備買


苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com