【名家投稿】準確地錯誤 (上車樓)

Accurate 準確地錯誤
-廣告-

好多朋友無論做生意同投資都好鍾意睇超級多嘅報表或者純粹聽名人意見,例如之前聽下虛擬貨幣教主 (Elon Musk) 或者聽下木姐 (Cathie Wood) 買邊隻股票或者係投資乜嘢虛擬貨幣,做足功課聽埋意見去投資本來係準確正確嘅事情,但係冇諗過大環境亦都冇諗過自己嘅目標單純去聽嘢好容易準確地錯誤。

準確分析更容易準確地錯誤

唔少股票投資朋友近來都拗曬頭,尤其香港股市,有好多從前五年都是對的方法去分析前景投資睇圖等等,現在出嚟嘅結果絕對唔合預期,當然財經界嘅KOL報喜不報憂,佢哋大包圍組合下總有幾隻會跑出,大家麻木去聽去信,更加容易做咗功課準確分析準確地錯誤輸錢,無論故事虛擬貨幣甚至樓市都有可能會出現準確分析準確錯誤的情況。

亂跟大隊更加容易輸

如果大家有投資股票或者虛擬貨幣,相信呢兩個月都坐上了一個非常刺激嘅過山車,一個例子騰訊呢一個價格我諗兩個月前冇乜人估到,恆大大到不能倒的故事,繼續因應被拯救情況不斷發酵,在近來嘅國內不斷調控過熱市場,疫情未完全控制但先控制過熱嘅市場經濟,尤其資金氾濫嘅情況嚴重,合埋眼跟大隊更加容易出事。

疫情未受控好難準確

疫情喺香港算係控制得比較好,但通關無期,環球疫情還未受到控制,可以說是最近都要下一年的3月31日,亦都繼續出現不確定的變種,唔少依賴旅遊業地方已經受到重創,加埋複雜的中美角力,香港地位嘅改變,無論政治經濟生態,喺好難準確嘅時候千祈唔好瞓身投資,當然有朋友說有危就有機,但係喺危險多過機會嘅時候,不如學下幸運地準確好過準確地錯誤。

幸運地準確

簡單講就係唔好瞓身投資,疫情下真係遇到唔少投資機會,雖然現金係不斷貶值情況下都要留返啲安全錢,寧願唔好喺呢個時候發圍,慢慢分段投資看準機會,尤其有阿爺的幸運大鐵鎚,幾時香港樓市被調整都係未知之數,但係香港樓市硬淨有自住需求點都要,再投資的話可能考慮非住宅物業或者海外物業避開政策因素,當然所有投資盡量都係幸運地準確即係用少少錢投資就算,準確地錯誤係一件好慘好可悲嘅事,寧願唔信咁多報告報表,憑自己直覺去分析投資機遇,幸運地贏少錢機會更大。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com