【圖片教學】滙豐銀行客戶用「轉數快」點鬼操作?

匯豐轉數快
-廣告-

首先如果大家唔明「轉數快」係乜東東的話,可以首先去我之一篇”到底「轉數快」點鬼用?”睇咗基本嘢先。(網址如下: 到底「轉數快」點鬼用? )。

以下我就將會盡量詳細講滙豐銀行客戶點鬼操作「轉數快」。會主要講兩樣嘢,登記及使用「轉數快」轉賬。

如何登記匯豐銀行的「轉數快」?

滙豐銀行客戶主要可透過兩種方法登記「轉數快」,包括用滙豐流動理財應用程式,或者用個人網上理財。以下我會用流動理財APP作示範。

用流動理財APP的話,程序如下:

  1. 首先,登入流動理財APP,響左上角菜單底下選取「設定」,然後再選擇「登記『轉數快』或檢視登記資料。匯豐銀行轉數快登記程序1
  2. 然後選擇用你嘅手提電話、電郵地址或快速支付系統識別碼連結你的帳戶。以下例子,可以見到手提電話號碼及電郵地址係未登記。如果你之前響滙豐銀行登記過手提電話或電郵記錄的話,佢會預先填寫咗呢兩個欄目。當然,你要改都可以。以下我會示範手提電話號碼登記:匯豐銀行轉數快登記程序2
  3. 進入下一個版面,你可更改要登記的手提電話號碼,同埋到底你要唔要預設滙豐銀行作為你呢個號碼的預設收款銀行。基本上一個手提電話號碼可以連結多間銀行的戶口用「轉數快」,但只可以有一間銀行做預設收款銀行。另外,你要選擇響滙豐銀行的收款戶口一個。以下呢幅圖我係選擇咗滙豐銀行為預設收款銀行。完成後,要按「發送驗證碼」按鍵。系統會自動發出一個一次性的驗證碼到你手提電話(如果係登記連結電郵地的話,就會發出驗證碼到郵箱)。匯豐銀行轉數快登記程序3
  4. 再跟住的版面你就要輸入收到嘅一次性驗證碼,以作確認。匯豐銀行轉數快登記程序4
  5. 再跟住佢會叫你覆核所有資料,再作最後設定。注意,以下呢幅圖係我不選擇滙豐銀行為預設收款銀行,比大家比對一下。匯豐銀行轉數快登記程序5
  6. 完成後,佢會有一個確認版面比你。匯豐銀行轉數快登記程序6

如何用匯豐「轉數快」轉帳到其他銀行?

要用流動理財APP做「轉數快」轉賬的話,就跟以下程序:

  1. 登入流動理財戶口,然後響左上角菜單底下選取「轉賬」。用匯豐銀行轉數快轉帳程序1
  2. 然後選擇「支賬戶口」(即付款帳戶),同埋「入賬戶口」(即收款脹戶) 

    用匯豐銀行轉數快轉帳程序2 

  3. 跟住嘅版面,除咗可以選本身自己現有已登記的受/收款人外,亦可以點選新的受款人,就會出現下圖。你可以輸入收款人的手提電話號碼、電郵地址或快速支付系統識別碼。滙豐的流動理財應用程式重可以直接搜尋電詁通訊錄內已存在的聯絡人做受款人。 

    用匯豐銀行轉數快轉帳程序3

  4. 選擇咗受款人,你會見到受款人的部分隱藏戶口名稱(下圖遮蓋咗)同埋手提電話號碼。如果你唔肯定受款人要入佢響邊一間銀行的「轉數快」帳戶,選付款至受款人的預設選項就最安全。 

    用匯豐銀行轉數快轉帳程序4

  5. 此頁面亦可以加呢個受款人為「我的受款人」,方便日後更快捷便利轉賬畀呢位受款人。新增「我的受款人」的最新轉賬限額係港幣五萬;你亦可以自己設定呢一個受款人的姓名方便自己記得。 

    用匯豐銀行轉數快轉帳程序5

  6. 跟住下一個頁面就去到輸入轉賬金額、日期及備註(如有)。注意,下圖遮蓋咗支賬戶口同入賬戶口的資料,正常情況係有嘅。用匯豐銀行轉數快轉帳程序6

     

  7. 上圖點按「繼續」後,你就要核對整個轉賬資料一次,如下圖。之後按「確認」就真正進行轉賬。 

    用匯豐銀行轉數快轉帳程序7

  8. 轉賬完成後就會出現「確認指示」頁面。用匯豐銀行轉數快轉帳程序8

常見滙豐銀行客戶用「轉數快」轉賬的問題

首先,未登記「轉數快」,係咪唔可以轉賬比其他人的「轉數快」帳戶?唔係,使用滙豐銀行「轉賬」其他人的「轉數快」帳戶毋須預先登記「轉數快」。

滙豐銀行客戶響第一次使用滙豐流動理財APP「付款」功能,向其他已登記「轉數快」的用戶付款之前,大家會被要求啟動流動保安編碼。這是正常的,因為佢要客戶先設定支賬戶口及小額轉賬每日限額。「小額轉賬限額」亦可以入流動理財APP的「設定」功能收更改。

「小額轉賬限額」的每日限額係1萬元,係咪等於唔可以用「轉數快」過超過1萬比人呢?唔係,設立小額轉賬每日限額係令你響轉賬交易時,無需使用保安編碼器或流動保安編碼核準支付。大過「小額轉賬限額」的轉賬,可以用保安編碼核準支付,不過依然受限於每個人響自己網上理財上「每日付款及轉賬限額」設定的限額。轉賬至非登記戶口的各轉賬途徑,可設定嘅每日最高限額係40萬港元。

 

延伸閱讀:

Skywalker

推薦文章:2.4% 按揭、轉按現金回贈,誰與爭鋒!

 

推薦文章:【12/7 更新】每週銀行按揭利率和按揭回贈比較

 

想知邊間銀行按息最平,回贈最高? 請留言向我們索取最新情報

 


關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑:
     
  • 環聯(Transunion, 「TU」)正式合作伙伴
  • 榮獲 TVB「樓宇按揭轉介服務獎」
  • 榮獲都市日報「2018傑出按揭轉介」大獎
  • 榮獲Capital 資本雜誌 「2018傑出物業按揭轉介」大獎
  • 出版「按揭達人」一書,在各書局有售
  • 於多份報章撰寫按揭專欄,包括蘋果日報、頭條日報、都市日報、經濟通ETNET等
  • TVB樓宇節目:「星之谷特約:蝸居宅急變」於2018年4月放送,收視率19點
  • NowTV 樓宇節目:「星之谷特約:置業攻略」於2018年6月放送
  • Facebook 超過1000客戶留言,讚揚我們的服務,並給與5星評分
詳情請瀏覽星之谷按揭轉介網頁:https://starpagency.com