【名家投稿】牛年牛市牛氣沖天 (上車樓)

作者:

2021-02-16

-廣告-

推薦文章：【7月5日更新】每週銀行按揭利率和按揭回贈比較

恭喜發財，祝大家身壯力健，快啲唔使帶口罩。近來大家最關心嘅就係股市無論係京東快手或者美股比特幣等等等等，越虛擬升得越開心；呢個現象，主要原因係市場上有大量嘅流動資金，喺疫情下環球拯救經濟方案量化寬鬆嘅產物，錢在上空盤旋，未流入實體經濟嘅現象。但係如果疫苗真的有效，隨著環球經濟來往錢開始會慢慢落返地，真係建議大家短炒怡情，亦都係時候慢慢留意返一啲比較硬淨嘅磚頭投資。

工廈住宅車位寫字樓商舖

可以咁講，呢個係大約嘅次序，住宅價格沒有非常明顯嘅下調，尤其係豪宅區，個別還是在高價成交，租金喺呢一年都係捱打狀態。自住嘅話始終都要買，收租嘅話可以唔洗淨係諗香港，工廈始終和商廈等等呎價有所差距，在疫情下相對影響會比較少；車位已經調整了不少始終供應量有限，未來亦都唔會有大量嘅供應有跑先嘅機會；商舖要重新評估價格，以往自由行既往地已經變成災區，當然係跌過龍，若果有足夠嘅能力都可以去入場，但可以咁講要有Full Pay嘅準備；商廈嘅話大型單位需求減少，疫情嘅經濟轉型，繼續都係唔多睇好，可能非主流地區抗跌能力更加高。

把握經濟復甦嘅機會

今年係物極必反嘅一年，但係疫苗嘅效果始終都未完全能夠解決疑慮；如果而家有足夠嘅子彈，係一個時候好好部署，把握別人驚恐你貪婪嘅機會。可以揀選適當嘅磚頭，把握環球瘋狂量寬資金落地嘅資產爆升機會。而買樓唔一定淨係買香港，利用環球嘅物業特性去製作自己的財務自由之路更加實際。尤其係一些可能子彈有限的朋友，係呢個經濟環境再靠香港物業爆升，再創造幾何級上升嘅財富機遇暫時睇唔到。強烈建議投資物業要更加開放眼光，用傳統方法二開三，三開四已經困難重重，不如諗一諗其他有前景嘅地方。

今年估計牛氣沖天，會係把握機會嘅黃金時間，希望各位朋友能夠坐上這個順風車。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。