上一篇提到,用東亞銀行信用卡交開港燈電費嘅,由5月1日起將不獲獎分或現金回贈(上一篇文章連結)。咁港燈又唔接受東亞信用卡作自動轉賬,咁點算好?
當然,你可以選擇另一啲港燈接受的信用卡作自動轉賬,包括COMPASS VISA / DBS 、中國銀行/集友銀行/南洋商業銀行信用卡、美國運通卡;又或者可用其他銀行信用卡作網上繳費,但有得賺到里數嘅唔多,主要剩番建行、富邦、匯豐等等。
另一個新方法就係透過流動應用程式「AlipayHK」繳付港燈電費賬單!個方法好簡單:首先登入「AlipayHK」,響主頁的「生活繳費」選擇「香港電燈有限公司」,輸入港燈賬戶號碼及註册客戶姓名綁定賬戶;然後,就可以查閱綁定賬戶的電費結欠及使用「AlipayHK」內綁定嘅信用卡繳費。咦,咁咪可以綁定東亞信用卡落「AlipayHK」,再用「AlipayHK」來交港燈電費?係啱的,「AlipayHK」重話佢哋當呢個交易係簽賬,所以唔會好似淘寶咁收信用卡手續費添。
最後,港燈客戶在2018年6月30日前嘅推廣期內下載AlipayHK應用程式並登記成為新用戶,即可獲贈由AlipayHK提供、合共港幣50元的「港燈客戶尊享迎新優惠獎賞」。該獎賞包括五張港幣10元禮券,分五期於客戶繳交電費時自動扣減。
以「AlipayHK」繳付港燈電費
https://www.hkelectric.com/zh/customer-services/billing-payment-electricity-tariffs/pay-by-alipay
Skywalker
如對本文章有任何問題或意見,歡迎按右上角 Whatsapp 按鈕聯絡我們互相交流。