【名家投稿】相信自己嘅投資概念 (上車樓)

-廣告-

人大咗,見到好多唔同嘅投資方法同概念, 有時都會迷失咗自己嘅投資方向,甚至香港人信表面嘅風氣,不多不少自己都被感染到, 有時都要企一企定,自己評估一下應唔應該咁樣行 。以我所知不少朋友的投資,純粹係跟邊個跟邊個,投資跟邊個都要睇埋人哋學歷,邊個有名氣就信邊個,結果未知係點樣,但係投資總要相信自己唔係做咁多功課做乜?

唔好太硬頸

相信仲有好多香港樓嘅死硬派,誓死都唔會買其他地方,筆者都夠膽講,香港樓呢十幾年係一張長年開莊, 差不多近乎買莊必勝嘅賭枱, 但係其他地 方不斷發展, 網絡嘅速度大大拉近了國家之間的距離, 能唔能夠支持到香港嘅樓價高速上升都已經係一個疑問? 當然香港樓有期獨特性,係最好嘅套現工具,但未必係最好嘅投資和走路工具,況且而家嘅海外樓係投資加埋走路工具, 只要做足功課嘅, 又有心理準備點都要畀錢人哋幫你打理, 其實都係一個唔錯嘅投資, 過唔過到呢一個心理關口就睇自己。

切勿故步自封

大香港主義喺香港已經一段好長嘅時間,始終香港人嘅習慣總係會睇唔起人哋,尤其一啲曾經窮過嘅地方,但偏偏呢啲最唔起眼嘅地方其實經濟發展急劇增長中, 帶著有色眼鏡只會錯過機會,香港已經係一個好成熟嘅經濟體系,如果想幾何級數爆上去嘅,筆者真係睇唔到。

開放自己多啲出去行下

與其上網吸收資訊不如去人哋個家睇一睇, 尤其東盟的地方也在急劇進步中,不難發現佢哋嘅經濟發展模式有啲似中國嘅複製品, 但係事實呢一個模式係近年最快催谷經濟增長嘅方法, 加上香港一個中間人嘅位置, 如果喺進出口製造業上,筆者絕對唔睇好,例如近近哋嘅馬來西亞, 佢哋行緊嘅係英制法律, 2文3語不會和香港人相差很遠, 尤其貿易戰大部分嘅製造業已經去咗東盟嘅發展中國家, 香港中間人嘅角色不難被取代。 當然大家從網上可以吸收到好多呢一啲地方嘅負面資訊,我覺得倒不如自己去行一行感受一下,再用自己嘅方法分析可唔可行。

相信自己

投資總係要信自己,一來自己荷包狀況自己最清楚, 人哋嘅荷包唔同唔可以盲目跟章,二來坊間不少有心人藉著名氣搭棚, 盲目跟隨投資很大機會自招損失,三來香港除咗自大文化,就係過份相信名氣嘅文化,往往缺乏咗自己嘅分析,自己唔分析,無論投資乜嘢都好,更加容易做錯決定。

以前香港樓贏錢容易, 現在事實已經比從前困難, 更加要謹慎同埋相信自己所做嘅功課。

上車樓

作者其他文章:
https://goo.gl/P129uc

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【12月2日更新】每週銀行按揭利率和按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 


轉按新買準備買


苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com