【名家投稿】社會環境更需要現金 (上車樓)

投資 資金
-廣告-

近日大家最關心除了政治外,便是如何走路, 同時也有不少投資者, 認為現在是增持香港物業的黃金時間, 其實兩個動作可以同時進行, 當然要視乎財力。

筆者和大部分的投資者一樣, 主要資金來源其實都係加按, 好現實講喺香港做生意唔係一個大賺嘅遊戲, 尤其是筆者這一類迷你公司,最賺錢永遠都係關資產和資金事, 所以認識了不少生意上的朋友, 門面的生意是用來借錢, 真係賺錢係透過資產增值同埋利息差嘅交易, 如果做生意冇咗呢一個貸款的優勢, 不如寧願收租退休好過, 始終做生意永遠冇休息時間, 自己唔食其他人都要食其實永遠都係做生意嘅最大壓力。

放售物業

不少朋友都想放售物業, 但當個市場變成買家主導,賣出去價錢就唔會好, 如果並非急劇的資金需要, 甚至打算短時間內離開香港, 其實並不建議。 相反如果有信心的話,入貨卻係黃金時間, 筆者今次係中間派,想睇定啲又想有資金喺手,最快都係盡快申請加按, 筆者嘅角度都想搵一個後門, 始終大部分嘅嘢都喺香港, 我要短時間內移民事實係近乎不可能的事, 我相信大部分有投資物業的朋友也是差不多的情況。

資金需要

既然賣樓賣唔出好價錢, 倒不如用加按呢一個方法再睇多兩年, 以前回贈會係主菜, 而家係加按咗嘅錢出嚟放在身先至係主角, 更加重要的是移民好移居好都係要錢, 儲錢等移居或者移民完全係不切實際, 憎多粥少, 移民和移居嘅門檻只會不斷提高, 同以前買樓嘅理論一樣, 而家市況搵錢速度根本就追唔到。

移民定移居

移民顧問嘅查詢應該超級超級爆, 身邊的朋友不斷討論的話題也是點樣走路, 還有不少朋友未分清楚乜嘢係移民乜嘢係移居, 簡單說移民係連個國籍都變埋或者取得另一個地方的國籍, 移居就純粹過去身份不變, 例如是馬來西亞第二家園, 泰國的退休簽證等等,移民感覺上比較安全,但所需要的資金,費用, 時間(尤其係坐移民監)比較移居多很多, 當然要放棄的事情移民一定會更加多。

對香港有信心

筆者個人認為, 香港有其獨特性和吸引力, 定必會雨過天晴 ,更重要係香港係我哋嘅屋企, 移民好移居好, 我們的根也在香港。

上車樓

作者其他文章:
https://goo.gl/P129uc

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:2.5% 按揭、轉按現金回贈,誰與爭鋒!

 

推薦文章:【8月15日更新】每週銀行按揭利率和按揭回贈比較

 

想知邊間銀行按息最平,回贈最高? 請留言向我們索取最新情報

 


轉按新買準備買


苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com