【名家投稿】移民的抉擇 (上車樓)

移民考慮因素
-廣告-

到這個月份相信大家也有些朋友準備離開香港到英國或者其他地方生活,有些朋友會飯局一下才離開香港;也有些朋友默然離開,抵達了才在面書看到,感覺有點唏噓也只好祝君好運。近來除了英國BNO 5+1外,加拿大也有新的措施吸引年輕人過去工作及申請永久居留,筆者不排除有其他國家會有新的措施吸引香港人移民。

點解會放寬?

並非從政治因素探討,但新冠肺炎後對歐美各國的重創很大,最直接振興經濟方法之一,就是吸引有競爭力的人才或者有資產的朋友到當地。單單是BNO 5+1後,英國物業在香港市場成交幾何級數上升,形成唔過去都買返間收下租嘅風氣。其他國家見到英國嘅成績,除了加拿大外可能也有其他國家從不同層面去放寬香港人移民到當地。簡單講都係一係錢財一係人才,如果自問兩者皆非,最好還是實際一點留番一條後路在香港。

出發前要問自己的問題

喺運動之後大家可能都曾經問過自己係咪應該離開香港,大家會比較多嘅考量,尤其未上岸的朋友。最基本係如果需要在當地工作維生,有沒有合適自己嘅工種和自己有沒有競爭力,如果兩者皆沒有創業環境如何?免得帶有限金錢過去一段時間後才發現難以維生,想返香港原來自住樓都已經賣埋,進退失據。當然唔賣樓其實都比較難有足夠嘅金錢過去,強烈建議留番一定嘅資金,例如係一百萬港幣,如果見到過去嘅積蓄用得咁上下,去到這一個數字,喺當地亦都沒有大作為,難以為生計,就好好考量重投香港。

無論去邊度都喺當地買樓

有唔少朋友選擇過去先租屋住,住到咁上下先至買樓,但佢哋忘記了如果在當地未能找尋工作是難以貸款上會的,只好考量用全數付款形式。如果未有好充足嘅資金,其實Full pay係高難度動作,筆者都係建議買一些未必是最好住,但是最好放租的物業,一旦去到當地就算覺得未必適合自己住都好,也可以透過以租養租的方式,加上在出發前在香港已經處理好按揭事宜,就算到了當地工作未能銜接,也可以用積蓄或者用租金供住先。當地未有工作又要租樓加埋生活費用,儘管有相當不錯嘅儲備,心理壓力還是很大的。

移民嘅抉擇當然仲有好多層面要諗,無論家庭健康金錢人際網絡事業,諗曬咁多樣嘢就唔會想移民,但係考慮少咗又驚過到去搞唔掂,只好人生有Plan B,行Plan B之前就已經要諗定Plan C,唔好人云亦云邊個過去就跟邊個頭,亦都唔好盲目相信KOL,決定咗過去諗定後路可能係最好方法。

上車樓

作者所有文章

延伸閱讀:

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com