【名家投稿】給被創業者們的忠告(一) (上車樓)

作者:

2021-04-07

-廣告-

推薦文章：【7月5日更新】每週銀行按揭利率和按揭回贈比較

疫情封關已經超過一年，暫時呢一個情況一年又一年機會好大，筆者出唔到去，最積極嘅方法就係去唔同嘅地方認識朋友，看看能否創造商機。當然人見多了識多了一些志同道合嘅好朋友；同時也發現不少剛剛創業的朋友。其實係呢一個時勢創業，相信係被動多於主動，看見不少行業競爭劇烈，慶幸自己相信磚頭。如果搭乘不到資產增值快車，呢個時候才開始想置業或者買樓收租，其實難上加難。有感而發，有一些建議給剛剛加入商業世界的被創業者朋友。

參加商會有效嗎？

香港有好多商會，但係大家有參加過商會都會明白，所謂共創互贏嘅交流往往流於表面，大家入去都係想做生意好理解；但是交流過於表面，真願意慢慢開放再建立信任嘅唔多，亦都過於著眼對方背景，總之吹得大講得大，就會多啲人注意，真交流嘅唔多，最後成功嘅商會都唔太多。其實都容易解釋到，當大家去都係傾下偈同埋好快速地想做人哋生意，結果塘水滾塘魚，生意人見到冇乜效果亦都要用好多時間，自然亦都唔會再繼續投放。當然市場上有不少成功的商會，有不少名人參加，可以看看身邊有沒有朋友是這些有名氣商會的會員，嘗試一下亦無妨，要注意嘅係通常入得呢一類有名氣嘅商會，生意需要有番咁上下出色，否則入到去都幫助不大。當然如果做生意到一段時間，也有相當的人物能耐知名度，參加商會嘅角色就會有所不同，變成聚集名氣多個聚集商機，如果兩者皆非就變成被借用對象。

驚天地泣鬼神嘅生意項目

其實以前小弟都好怕見人，但疫情關係要擴闊眼界和人物必須要做的，當然同時接觸了很多非常吸引嘅生意投資項目，大部分是上市集資為最終目標。超級弘大嘅計劃為何偏偏選中你？只可說現實邊有咁容易，但係香港人喜愛誇張嘅故事先容易慷慨解囊，隨著疫情篤爆經濟，大家睇多啲慌張西望，陸陸續續呢啲故事嘅苦主都會上去分享。最基本嘅方法就係細心聆聽這一類投資故事，慢慢再分析，計劃可行與否，第一件事就諗下對方點樣賺錢點解要搵你；生意人搵人合作嗰個人一係有錢一係有能力或者兩樣都有，初登商業世界這兩者通常都係累積階段，同時處事謙虛扮下豬，遇到呢一類神奇投資項目嘅機會會大大減少。

相見好合作難

通常初初出嚟創業都會選擇搵朋友或者家人夾，但係大部分嘅故事都係不歡而散，因為當友情親情遇上金錢注定坎坷，強烈建議合作模式係先自己成立一間公司再用公司形式合作成立第三公司，分工方面盡量用金錢量化，減少日後你做多咗或者我做多咗嘅爭拗。加上大家身邊都會有另一半，不少合夥經營拆檔原因皆恩身邊另一半，所以量化數字，或者合作也好，找一些有經營生意經驗的，免得未賺錢先拆夥。

下一篇會講多啲點樣被創業之前未雨綢繆，同時創造可貸款收入。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。