【名家投稿】給被創業者們的忠告(二) (上車樓)

-廣告-

上回提到一些小弟的創業意見,呢一篇係提及如何喺被創業之前做好準備,一旦不幸被創業也有所準備;更加重要嘅係同時增加或者維持貸款力,無論疫情時間維持有多長,總會有終結嘅時候。創業最終目標不一定是賺大錢,講白一些是增加貸款能力。疫情幾時完冇人知, 但係環球瘋狂量寬,加埋拜登上場後繼續大規模量化寬鬆,長遠都係資產必勝。

公司一定要齊料

有唔少朋友做生意慳得就慳,做了好多年,BR轉嚟轉去,公司地址就是自己住宅,甚至個別還是用個人戶口收款。錢是賺到的,但係向銀行借錢變得很高難度;不少還是租樓的,訴說貸款困難,其實原因大家都明白。銀行借得錢畀人最驚就係壞帳,尤其是以公司收入作為貸款的依據,這情況銀行不能量化申請人嘅貸款能力。想做公司貸款不容易,自然樓按貸款也不會容易批核。另一個主要因素係唔諗住報稅,慳得就慳,結果銀行的私人貸款‵、公司貸款都難,週轉可能要找財務公司捱貴息。

另一方面亦都有聽過朋友做生意,諗住依附人哋公司接單可以節省行政成本,結果大家都會估到,別人的客戶就被這個公司接掉了,喺呢一個大家都想節省中間人嘅時代,對自己生意冇保護性係很容易被吃掉, 做生意就係咁,被吃掉的殘忍,在商業世界吃掉人的卻像是應份。

什麼是齊料的公司

最基本嘅材料就係商業嘅註冊地址,齊全嘅公司戶口,最好還是有限公司,收入形式每月以自動轉帳,齊備嘅核數報告,當然要供埋MPF,這樣貸款自然容易。在保護方面,最好產品或者服務能夠註冊商標,也要弄清楚服務範圍,如果主要在香港的,在香港註冊便可以,如果是國內的需要另行在國內註冊。

有可能被創業不如而家先創業

喺上一年度好多朋友在保就業嘅保護罩下,都唔會覺得自己會係被創業嘅一個,完全沒有準備。近日筆者有一些朋友也開始聞到魷魚味,未有特別方法招架,已說明倒不如成立一個公司準備兼創,工作不保的話全力準備,如果份工平安過渡也可以將公司減至最低成本,或者賺取一些金錢增加貸款能力。

資產才是主菜

想得通的朋友就會明白做生意賺嘅錢可能係配角,透過經營生意增加貸款能力先至係主角,無論已經被創業嘅朋友,或者工作開始聞到魷魚味,適合盡早行動,開設或者鞏固好自己嘅生意,增加貸款能力,迎接資產增值,遠好過靠生意搵錢。

上車樓

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【5月7日更新】每週銀行按揭利率和按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com