良心業主

作者:

上車樓

-

2018-06-15

-廣告-

推薦文章：【7月5日更新】每週銀行按揭利率和按揭回贈比較

討論區或者新聞評論, 業主就等於無良，業主就等於吸血鬼，絕少聽到有良心業主呢一個名詞，雖然如此，但我也絕對贊成大家做一位良心業主，因為收租其實都係開心錢，上一篇文章都有提及，錢賺得順心順意自然財源滾滾。

業主主導

其實香港冇行租管之後，業主嘅權力及優勢遠比租客為多，但係點樣做一個良心業主去平衡雙方嘅利益，其實都係做收租佬嘅學問，曾經有師兄說收租佬係一門專業這個也是事實，不多不少也有一些處世之道。

其實收租等於做生意，按市場價格收取租金好難話業主係無良，等於老細出市價人工，大家都唔會講我係良心員工唔收咁多這個道理一樣。但難道永遠在於業主和租客點樣去平衡同埋點樣去創造一個雙贏嘅方案。

設身處地

業主和租客也有自己日常的工作，如果一個租客要不斷要求業主做乜嘢做乜嘢其實都加重咗業主嘅行政成本，有些租客人更要求每逢有乜嘢事業主都要親身出席，完咗死約過後或者兩年租約過後這些成本也會轉交回租客身上，甚至業主都怕咗個租客，一過咗死約終止了事。

一次性交租

其實呢個方法我係業主也很開心，我做租客嘅時候，也是一個很好的方法去換取較低嘅租金，同時也減低雙方嘅行政成本，業主取得一筆可觀的租金自然願意以較低價格成交，當然同時減低咗業主收唔到租金嘅風險。在租客層面，如果已有準備一段時間租樓，其實呢個方法都係同時減低緊自己嘅行政成本，可以話係最簡單嘅雙贏方案。

業主方面，事實也有些業主非常趕客，作為小業主也十分討厭這些行徑，最常見係退租嘅時候乜嘢都計同埋諸多留難，務求租客按金扣得就扣，不愉快收場。而當收租係一門生意，既然同個租客分手，寧願快快地收回單位，盡快找下一個租客先至係王道，在按金上嘅爭拗也可能導致租客造成破壞行為，得不償失。

殺雞取卵

曾經見過一位商業大廈的業主加租係永遠跑贏市價，表面睇好似做得非常之好，但這位業主並沒有為這個單位增值，只係在談租約期間不斷反口和加條件，結果長情租客變短期租客，大家知道呢位業主嘅行徑都唔願意去裝修或者去為自己嘅生意增值，怕做得太好業主開天價，結果物以類聚，生意下滑租客轉場再戰，這位業主的租金跑贏大市小小，但出租率就遠輸於大市。

長期顧客優惠

業主通常對長期同埋好租客加租會鬆一點，也可以說萬事有商量，一個長期合作關係無論業主和租客層面也是雙贏方案，業主其實好怕遇到麻煩租客，但第一件事唔好自己做咗麻煩業主。如果業主方便的話，少部分租金作定期捐款，這個感覺也相當不俗。

上車樓

如對本文章有任何問題或意見，歡迎按右上角 Whatsapp 按鈕聯絡我們互相交流。