【名家投稿】荷包看天下

【名家投稿】荷包看天下
-廣告-

十二月又是傳統gathering嘅時間, 出席了很多唔同嘅飯局, 紅事白事自己公司加埋舊同事朋友商會等等等等, 短時間內接觸了不少人, 講嘅話題很闊, 只要唔提及錢嘅, 就可以源源不絕咁傾, 就算商會裏面傾計, 看到的,也是想做對方生意的人,並非投資者, 但咁多次聚會有一種共鳴就係荷包看天下。

對於物業投資, 佢哋嘅心態,不違然有一層自住樓就已經足夠, 再談及觀塘新盤大賣, 大家嘅反應都係”幻覺嚟嘅啫, 你呃我唔到嘅”, 或者係市民都買唔起點會唔跌等等, 去到呢個時候我都會刹制唔再講關於樓嘅嘢, 用自己荷包看天下嘅諗法冇可能筆者講幾句可以改變到,對住朋友嘅只好話當年, 對住舊同事嘅就說人生無常及時行樂, 對住商會嘅人就互相寒暄, 食飯聚會變成例行公事。

荷包看天下

這一個毛病小弟都有, 認為自己冇能力買嘅嘢人哋都冇能力買, 出嚟做嘢咁多年逐漸改變, 自己做小生意終於明白天外有天人外有人的道理, 簡單講香港嘅有錢人好多, 佢哋嘅財富唔係一般返工嘅人諗得到,返工嘅世界,老細就係皇帝,老細係唔會想員工明白: 其實老細搵嘅錢同埋身家可能只係一般中產, 更加唔會想員工識投資甚至係買樓收租, 員工被動收入越多走得愈快, 所以公司會灌輸一個概念, 就係階級主義, 員工嘅身家同人工成正比, 大家搏命爭取 每年加嘅少少人工就算啦,唔好咁大貪, 筆者在今個月嘅飯局聽到最多嘅就係如何爭取加薪或者跳槽去攞多啲人工, 但著眼點唔係透過加薪或者多啲人工去增加借貸能力 , 只係每個月多 2~3千蚊儲蓄, 周而復始呢一個動作, 返工嘅人認為佢哋就係購買力, 認為外面的世界搵錢模式也是這樣, 就只可以不斷慨嘆人工加幅永遠追唔到樓價嘅升幅, 只好日日嗌地產霸權, 但佢哋個心係想上車.

錯判形勢

用得自己銀包睇天下, 另一個情況就係局限咗自己嘅眼光, 正所謂荷包有多大眼光有多遠, 好容易錯判形勢, 例如近排樓市回軟, 自己銀包嘅錢唔夠多就會主觀認為樓仲有得跌, 但係現實樓價回軟極都好都係會咗大約一年嘅價位, 如果係幾年前買嘅還有三成升幅, 如果光著只看自己銀包分析樓市就必定會出事。

盲目投資

因為自己銀包所限, 自然會投資一些自己財力範圍可以涉及到的項目, 不幸的是返工的人都想一朝發達, 唔會太理會投資項目背後係乜嘢, 越虛擬越好因為反正都唔明白,佢地更加容易相信咁大隻蛤乸隨街跳, 就好似而家虛擬貨幣嘅情況.

荷包有限知識無限, 其實出嚟見下人識下朋友都係需要的, 雖然未必會帶來即時正面嘅影響, 但真係要知道個世界係點樣行, 就算冇時間出嚟識朋友上網google一下, 睇多啲投資上嘅書, 都總好過乜都唔做, 俾自己荷包局限咗自己眼光.

上車樓

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:2.5% 按揭、轉按現金回贈,誰與爭鋒!

 

推薦文章:【6/14 更新】每週銀行按揭利率和按揭回贈比較

 

想知邊間銀行按息最平,回贈最高? 請留言向我們索取最新情報

 


轉按新買準備買


關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com