【名家投稿】誰大誰惡誰正確

【名家投稿】誰大誰惡誰正確
-廣告-

呢一句大帥哥嘅臺詞,我相信近排大家慢慢都聽到, 筆者也很鍾意看這套電視劇, 除了題材演繹比較新穎, 角色好似keroro軍曹之外, 最值得細味內含好多做人同管理投資嘅心法。

誰大誰惡誰正確, 無論係返工投資做嘢都會遇到呢個情況, 返工大家遇到嘅上司, 可能大家覺得佢哋冇乜料到, 但不諱言愈冇料嘅上司就會越惡, 千方百計透過壓制下屬, 踩住人哋上位, 將歪理變成道理。 但係最神奇嘅事就係, 其他同事會變咗做歪理嘅追隨者, 筆者近日飯局也發現部分返緊工的朋友好似中咗毒咁, 老細嘅嘢變成金科玉律, 結果老細唔想員工發達佢哋就唔會發達, 有一日醒來,可能已經年華逝去無力再搏, 跟住咁就一世。

投資世界都係, 不少投資者都係相信出名有名氣嘅人, 佢哋嘅推介就係好投資, 如果呢啲有名氣嘅人好似大帥哥咁, 將實係為左大部分市民嘅利益, 跟隨都冇錯。 但係現實部分肯定唔係, 可能佢哋只係增加投資市場上嘅影響力, 尤其股票市場更加多呢個情況, 正手唱好可能反手用其他方法沽緊, 唔唱咁好邊個接貨。 就算物業投資都有這些零星情況, 用自己嘅名氣叫你買一啲不應該購買的物業, 只可以說利字當頭, 投資世界無話啱唔啱,只有贏定輸。

在執行方面, 就算有好大嘅理念同埋抱負, 都要透過誰大誰惡誰正確嘅法則去進行, 尤其香港市場資訊太密集, 要上位要做某一啲事情一定要有影響力, 喺香港係冇乜可能透過善行上位, 只好在市場競爭上攞到領先嘅地位, 才有能力執行理念, 執行力為先,嗰件事是否正確都唔係一個最大考慮。

犧牲他人

呢套劇定期都會有啲無辜嘅人犧牲, 現實管理法則都係如此, 只會考慮價值, 獲得嘅利益比較快就會犧牲他人, 當然電視劇上面大帥哥嘅犧牲他人決定係非常正確, 現實世界就係正唔正確都會犧牲他人, 做管理者嘅不作多談, 但一般職場返工嘅其實都要諗定被犧牲嘅準備。 營商投資世界只有化唔化算, 沒有多大嘅人情味。

自己嘅團隊

大帥哥(Keroro),馬炭(Tamama),羅義(Giroro),冬來(Dororo),顧落蘆(Kururu), 正正係一個執行力嘅團隊, 有執行力的團隊總會包括一些有衝動講義氣嘅人, 有智慧嘅軍師, 默默地為團隊工作貢獻的人, 加上大帥哥呢個主腦, 就會有解拆問題化險為夷嘅能耐。 開公司需要有呢個團隊, 但係如果返工嘅都要有自己嘅投資團隊, 找一些可以合作的投資夥伴, 不一定係一齊夾錢去做某一項事情, 反而係互相咨詢意見和了解市場情報,呢個會係最大嘅功效, 因為一個人根本沒有可能收集同埋過濾咁多資訊, 還要過濾一些有心者的病毒, 返緊工嘅最直接方法就係識多啲唔同嘅投資者,定期上網去討論區和不斷外出去交流, 說不定能夠找到投資路上嘅大帥哥團隊。

把握機會

呢套劇當一個好勁嘅位係佢好識做生意, 如何在人哋弱勢嘅時候拿取最大利益,其實投資世界都係, 買家最愛在業主心雄嘅時候瘋狂入場, 回軟嘅時候卻唔識把握機會, 贏就想贏輸就驚輸嘅心態, 投資路上大忌, 高買低放好多時都係呢個心態。

增加籌碼

我哋唔係旅長冇辦法招兵同埋收稅, 平民嘅方法就係買樓收租同埋盡用按揭, 去增加手上嘅投資現金同埋節省利息開支, 部分的錢為自己創造價值, 增加投資路上嘅籌碼, 大家都想搵投資路上嘅顧落蘆, 除了本身為人處事方法當然還有一個更實際嘅事情,就係嗰個人要有番相當嘅合作價值。

上車樓

更多上車樓文章:
https://goo.gl/E9dfcc

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:2.45% 按揭、轉按現金回贈,誰與爭鋒!

 

推薦文章:【1/12 更新】每週銀行按揭利率和按揭回贈比較

 

想知邊間銀行按息最平,回贈最高? 請留言向我們索取最新情報

 


關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑:
     
  • 環聯(Transunion, 「TU」)正式合作伙伴
  • 榮獲 TVB「樓宇按揭轉介服務獎」
  • 榮獲都市日報「2018傑出按揭轉介」大獎
  • 榮獲Capital 資本雜誌 「2018傑出物業按揭轉介」大獎
  • 出版「按揭達人」一書,在各書局有售
  • 於多份報章撰寫按揭專欄,包括蘋果日報、頭條日報、都市日報、經濟通ETNET等
  • TVB樓宇節目:「星之谷特約:蝸居宅急變」於2018年4月放送,收視率19點
  • NowTV 樓宇節目:「星之谷特約:置業攻略」於2018年6月放送
  • Facebook 超過1000客戶留言,讚揚我們的服務,並給與5星評分
詳情請瀏覽星之谷按揭轉介網頁:https://starpagency.com