【名家投稿】識洗錢重要過識搵錢(上車樓)

【名家投稿】識洗錢重要過識搵錢(上車樓)
-廣告-

一見到個題目好多人都會反駁, 梗係搵錢重要啲, 但筆者眼見識搵錢越洗得多錢嘅時候, 識洗錢更為重要, 搵幾多洗幾多甚至洗特咗, 無論在一個人嘅損益帳或資產負債表也是Nothing。

物質生活和存在感

普通人搵錢有限,尤其係一般打工仔, 但係眼見嘅就係搵得越多洗得愈勁, 尤其是存在感最重要, 去街食飯買嘢, 好唔好味係其次, 最重要係Facebook 同IG value 有幾高, 不斷外出尋找昂貴美食嘅就好容易變咗車呔人嘅奴隸,買嘢嘅但求網上觀賞價值不求實用, 結果使錢嘅地方全都是消費性的,對資產毫無幫助, 上車困難或者上車無望變成口頭禪同埋藉口。

老鼠賽跑

筆者聽到不少少身邊朋友說, 越洗錢洗得多就要搵得仲多, 用呢樣嘢作為跑數嘅原動力, 結果搵得越多越用得多錢去證明自己,好容易落入老鼠賽跑的圈圈, 如果大家有睇過富爸爸本書就知道乜嘢叫老鼠賽跑, 簡單講就係老鼠喺個圈圈望住芝士永遠都追唔到, 當收入和消費相約甚至消費大過收入嘅時候, 資產累積可以說是nothing.

再鋒利嘅刀都有生鏽嘅時候

問題係不斷跑,但係身體機能往往會隨著年紀而下降, 到跑唔喐嘅時候你嘅開支你嘅生活質素就會急劇下降, 加上之前在老鼠賽跑圈資產沒有累積, 如果有下一代的整個家庭的生活水準也會拉下去, 而筆者的朋友往往是跑到攰嘅時候,先發現有呢一個問題, 到現在才開始累積資產是遲了, 好運的話還有自住物業, 不好運的只好繼續租樓, 最後可想而知只能夠不斷降低生活質素。

識得使錢

收入有限更加要識得使錢, 口講容易實際運行 困難, 大家身邊的朋友圈,總會不缺乏鼓勵消費的, 筆者就認為最重要平衡, 不好斷絕自己的社交圈子, 但總有一些活動是可以不用參加的, 例如重複再重複的朋友meeting ,一來節省這些fine dining 的費用,二來體力有限,多陪身邊人,總好過愛得太遲。

遵守儲蓄和投資規律

唔識儲蓄定非年輕人嘅專利, 事實很多人到中年為咗面子問題更加唔識儲蓄, 往往係洗淨幾多先儲起來 , 到高不成低不就想轉換環境也沒有這個能力,而眼見身邊成功嘅人, 他們有很強的紀律性, 往往在錢未入嚟嘅時候已經分配好如何使用, 當然大部分是用作儲蓄和投資用途, 久而久之, 就算在起跑線是相同收入, 一早規劃好的朋友往往已經大大拋離沒有規劃的朋友。

避開高消費陷阱

有留意筆者文章都會知道,小弟進行投資或者買一種昂貴東西之前, 都會想想售賣者是如何賺錢, 最簡單的說例如一間餐廳有高中平嘅選擇, 對這些餐廳來說盈利最高的往往是高中兩者, 而我們往往也會選擇入門級別。 無論外出食飯或者購買東西,筆者會用入門級別作為比較基準,再加上性價比作比較。 消費品方面, 如果冇實際需要也買一些妹仔大過主人婆的產物,
例如養車。 買車要用嘅錢有限, 養車幾錢先至勁, 如果只是假日車主,沒有特別需要嘅,唔養車所得的必定會更多。

注意未來價值

反正都唔夠錢買樓不如洗咗佢, 筆者真係聽到好多, 但係如果不必要嘅洗費豪洗咗佢, 其實係浪費金錢同埋忽視未來價值, 如果用嚟做最基本嘅投資, 就算係收息股票, 今日嘅一萬港元, 五年後可能已經相等於一萬六七千港元, 不斷地有規律地累積, 樓市始終會有周期, 有準備始終有能夠上車嘅一日, 繼續冇準備地揮霍的, 樓價幾高幾低都唔關佢事。

上車樓

作者其他文章:
https://goo.gl/P129uc

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:2.5% 按揭、轉按現金回贈,誰與爭鋒!

 

推薦文章:【7月12日更新】每週銀行按揭利率和按揭回贈比較

 

想知邊間銀行按息最平,回贈最高? 請留言向我們索取最新情報

 


轉按新買準備買


關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com