【名家投稿】財務自由的進化版(二) (上車樓)

作者:

2021-11-30

-廣告-

推薦文章：【7月5日更新】每週銀行按揭利率和按揭回贈比較

進入後疫情嘅時間，市場多了不同類型的財務自由計畫，甚至是致富發達的課程，這些計劃課程當然是用作招徠參與不同類型的投資甚至是生意，當然市場上很多朋友其實也沒有仔細看過富爸爸與窮爸爸這本書，還原基本步要分清楚大家想財務自由嘅收入真係全部被動嗎？還是經營性收入？兩者並無衝突，但必須要搞清楚，如果過份依賴經營性收入，只係做其他生意而已，但係財務自由嘅進化版又真係需要部分嘅經營性收入，重點點樣因應個人需要諗法作出平衡。

經營性收入

市場上不少用二房東作招徠的計劃或者直銷等等，係一盤生意但係並非資產性的投資。先講一講二房東的計劃，一般都是經營劏房，長租一個唐樓或者舊式洋樓單位可能是五年或以上，二房東去安排裝修分間，賺取嘅收入就係租金嘅差別，一般坊間的計劃所列出來的利潤可能有三成至到五成，但要注意計算的利潤係假設全院滿座，二房東需要努力經營去維持，一般劏房租客質素和投訴都成正比，加上政策嘅隱憂係逐漸取替劏房，二房東身份始終都係租客，和物業價值部分無關，投資者都係當作做生意，希望回本後多撐幾年，或者用大數法則加上複製效應，多賺一些錢用作其他資產投資。

同時市場上有不同方法包括直銷或者投資一些產業，嚴格來說其實都係做緊生意，分別是投入的金錢和時間的比例是多少，那一部分比較重和風險是如何，財務自由提早退休同時有啲細藝去做下其實並非壞事，非常視乎閣下嘅取向係點，兩者並無衝突，但必須要理解閣下的理想組合係如何，財務自由嘅精髓就係因應自己嘅需要自己嘅預算去做，話事人就係自己，比例時間資產考慮是非常之個人化，絕對唔係omakase，真正嘅發辧人係自己，盲目跟隨人哋嘅方案只會失預算。

與時並進的財務自由

如果10多20年前，5百萬港幣的匯豐股票單靠收息已經可以最基本的財務自由，如果十多二十年前咁樣做現在就真係冇自由，有沒有利息收也說不定，股價方面真係唔再有乜嘢吸引，只想帶出現在嘅財務自由係需要靈活性與時並進，當然並不鼓勵全部是股票債券，一旦經濟逆週期價值下跌違約情況所帶來的損失，可以係無法預計，所以強烈建議財務自由組合最基本一半磚頭的租金和收益但不局限於香港，環境變得很快，就算未來真的是元宇宙世界，大家肉體上還需要居住的，還是要食飯上廁所的，物業未必會大幅上升但係防守力一定相當不錯。

上車樓

作者所有文章

如對本文章有任何問題或意見，歡迎按右上角 Whatsapp 按鈕聯絡我們互相交流。