【名家投稿】財務自由的進化版 (上車樓)

作者:

2021-10-15

-廣告-

推薦文章：【7月5日更新】每週銀行按揭利率和按揭回贈比較

財務自由呢一個題目可能大家都會聽到厭，但今次要注意嘅係佢嘅變化，也有其他KOL不建議年輕退休，主因為大家投資產生現金流嘅投資產品變化越來越大，係呢個時代單一投資產物去達到財務自由係高風險，但筆者反而認為透過調整投資組合，提早年輕退休會係呢個時代更加好的選擇。

千祈唔好只靠股票

以前買等值幾百萬港幣的匯豐可以退休，但現在當然唔使諗，透過藍籌股產生現金流提早退休變得越來越不合用，就算是龍頭藍籌股在市場上盈利的週期，已經比從前短很多，大家搵到一些穩定收息的藍籌股，現在能夠產生穩定現金流，但係可能五年後也是撐不住，無論做生意產品科技週期越嚟越短，如果你嘅財務自由現金流係靠佢嘅利潤分派的利息，大家嘅財務自由生活可能好快就會終止。

財務自由更加靈活化

以前講嘅財務自由策劃可能係一本通書行到尾，但現在千祈唔好咁做，尤其而家政治變化同埋國家嘅政策就好似一二三木頭人，一旦投資的範疇比政策盯上了，就可能中槍倒地，所以而家財務自由嘅要求係除咗每一個月都有足夠維持生活的被動收入外，還要準備一些靈活資金作為不同項目嘅調動，或者市況嚴重逆轉的時候作安全資金用途。

物業的比例

暫時用現時嘅經濟政治環境去睇，投資磚頭嘅比例不應該少於一半，不少朋友透過槓桿再去槓桿賺取息差作為財務自由現金流部分，投資的項目可能是債券或者一些高回報基金，但係疫情引發的瘋狂量化寬鬆，到現在大家所擔心嘅係金融危機，係呢一個時候適宜貸款去買一些穩陣投資，但不適宜透過貸款去博取高回報，更加不適宜一個項目或者物業用過多的槓桿去購買，香港物業防守能力超強，但係疫情下大家嘅收入未必搵定，一旦失業也沒有魷魚遊戲可以參加，反而可以買一些現金付款的物業資產，例如車位工廈單位甚至乎其他地方的物業，尤其有高增長潛力或者高租金回報的地方。