【名家投稿】買樓可保命(二) (上車樓)

Cryptocurrency vs Property
-廣告-

筆者寫呢個題目嘅原因,其實係見到坊間僥倖同賭博心態好強,港股美股或者虛擬貨幣瘋狂上升嘅時候講呢一句話只會畀人笑作低B冇遠見,希望係純粹調整的時間也是一個黃金的時間分享自己嘅睇法,其實小弟也有少量投資股票及虛擬貨幣,股票相信大家也認識,但虛擬投資世界可能未必每一位朋友也會參與,筆者也開始在學習,非常認同世界改變了,虛擬貨幣以及元宇宙將會成為未來不可或缺的。

認清虛擬世界投資

大家先要分清楚本質,投資還是投機,科技及市場是否成熟,無論任何投資產品生意最終都需要落地, 簡單講有一套自行運行的生態系統這樣東西可以持續運行落去,正如虛擬貨幣也有自己一套cyptonomic,需要有生態系統去賺取分發派取運行的模式,就好像是 Gamefi 的遊戲世界,究竟係玩遊戲賺取虛擬貨幣換取金錢還是在賭博中呢?參與者又有幾多清楚虛擬貨幣或相關產物投資嘅本質,在筆者嘅角度係可以作為小注投資/投機,而虛擬市場亦將會越來越成熟但同樣面對政策風險,簡單講玩得就要承受,在未有一套完善規矩監察下加上去中心化嘅特質,出現嘅怪獸事情會比一般投資為多,投資者都係適宜先學習,要玩的都係少少地算。

物業始終係硬淨

物業投資係呢段時間視為古老及old school,從前的有樓有高潮,彷彿全世界都係為咗物業而生存,不諱言現在香港物業嘅負擔程度已經超出大部分打工仔,但係香港物業市場有佢嘅特質,好難再大升也好難大跌,自住始終需要,但必須注意供款比例,尤其係經濟環境嘅急劇變化,唔好去得太盡,收租角度如果必定要買香港嘅可以考慮沒有辣招嘅工商物業車位等等,當然筆者也建議大家放眼世界,香港物業已經升咗好多,回報率也不算特別吸引,如果想專注現金流可考慮先進地方高回報物業就如第一篇所講嘅英國及日本等等,大灣區發展不容忽視可以藉政策被迫降價下入市。

物業套現唔容易也是優勢

相對其他投資產品物業套現能力難以比較始終都需要放售成交過程等等,但好現實近來輸錢比較厲害的都是非物業投資者,因為物業投資者一般 比較著重穩陣,對於股票槓桿虛擬貨幣等等都是小試一下的投資,可能只佔整個資產組合一成也不到,但非物業投資者博發達的想法會比較強,甚至用槓桿購買股票或虛擬貨幣,簡單講可能賭身家,投資資訊市場繁多卻混亂,自媒體泛濫如果信錯有心者,幾可肯定損失慘重,如果購買一些相對便宜的物業例如香港的車位甚至是日本英國等地大灣區等等的物業,有閒錢再作一些比較高風險的投資,才是在這個時間最攻守平衡的組合,當然同時要有充足的現金應對風浪。

上車樓

作者所有文章

如對本文章有任何問題或意見,歡迎按右上角 Whatsapp 按鈕聯絡我們互相交流。

推薦文章:【每週更新】銀行按揭利率及按揭回贈比較

 

推薦文章:2.45% 按揭、轉按現金回贈,誰與爭鋒!

 

想知邊間銀行按息最平,回贈最高? 請留言向我們索取最新情報

 

陳凱琳同苟姑娘教你如何選擇按揭中介:

關於我們

免費按揭轉介,幫客人格價和尋找最低利息、最高回贈的銀行,以及為客人解決按揭上的奇難雜症。我們不收取任何費用,只想把所識和所想,向客人分享。公司的獎項和里程碑: 詳情請瀏覽星之谷按揭轉介網頁:https://starpagency.com