買第一層同時為買第二層樓準備

作者:

上車樓

-

2018-03-05

-廣告-

推薦文章：【7月5日更新】每週銀行按揭利率和按揭回贈比較

現在買樓上車係不容易, 買第一層同時諗第二層好似係妙想天開 , 但其實剛剛相反, 適當嘅部署難度唔高, 絕對係平民致富嘅方法。

小弟從來篤信現金流, 身邊的友人無論上車條件和收入都比我好, 但不少現在房只持有自住單位, 究竟是什麼原因呢? 小弟在此淺談一下

有睇富爸爸本書嘅都知道, 自住的單位再豪華再靚也好都唔會為屋主帶來現金流 , 持有者都係乖乖哋繼續打工, 直至到退休嗰日。再來一個逆按揭 , 過一個非常勉強的財務自由人生 ,直至到功德圓滿兩袖清風。如果有仔女的, 仔女沒有贏在起跑線, 和父母一樣咁公平由零開始, 但大家真係想這樣嗎?

所以好贊成買第一層同時諗緊第二層, 但點樣做呢?

1)第一層唔好用盡財富
好多人買樓都係為咗結婚為了面子都會買到最盡, 小弟就不建議這樣, 不少新婚夫婦出盡全力買新樓, 為咗能夠喺面書見得下人,當然要附帶豪華裝修, 結果淨係供款都供到氣咳 , 錢就用盡咗去裝修甚至另行貸款 , 這有甚麼可能再諗第二層呢?

我就會建議有買600萬樓嘅能力,只買500萬樓留番一百萬Quota準備一開二, 一百萬當然唔夠但供幾年之後計埋人工升幅及還款部分, 這也並非天方夜譚.

2)善用人名
兩公婆結婚買樓的話開開心心聯名購買 ,到第日想買多層, 又唔想畀15個巴仙稅, 最好方法是做近親轉讓但又怕麻煩, 結果都係維持原狀。第二層物業的準備無限期押後, 唔通真係等政府取消辣招?

聰明嘅方法都係盡量用一個人名上會同購買,必要時另一半用擔保嘅角色保留珍貴嘅購買名額。珍貴嘅人名在購買低價物業嘅時候可盡做8-9成按揭, 名正言順搬過去住, 第一層出租, 從而產生淨現金流。

3) 後備現金同儲蓄
之前文章都有提過應急現金除咗保命之外下一部分就係用來捕捉機會。當儲嘅錢已經超於6個月嘅使費, 再儲蓄嘅錢就可以準備拿來進攻, 在善用人名的情況下第二層基本上可能五六十萬港幣已經有機會在多拿一個。

4) 另一半嘅配合
無論第一層好第二層好同伴侶嘅溝通同配合也非常重要, 因為結婚嘅時候另一半很想所有嘅資產都係共同擁有, 結果共同擁有之後懂得再買另一層嘅講真唔多, 加上唔係每一個人對物業投資都有興趣, 同埋相信磚頭的投資理念。所以在結婚前後有良好的溝通, 最好和伴侶一起上一些關於地產嘅課程, 等佢明白現在的計劃係為咗將來嘅無休生活。

第二層嘅目標都係建議容易上車的低價物業, 到成功購買第二層又有正現金流嘅時候, 就可以繼續透過加按去製造麵粉, 提升收入去購買更好的麵包。

以上方法都係平民買樓收租一開二, 二開三的基本方法, 加上香港樓是很珍貴嘅資源, 必要時套現也很容易, 是在香港財務自由的必備資產。

上車樓（香討地產板名人）

如對本文章有任何問題或意見，歡迎按右上角 Whatsapp 按鈕聯絡我們互相交流。